全港首間！大快活電競登陸九龍灣E-MAX　打機兼飲啤酒食焗豬扒飯+直播房

撰文：SY｜來源：新傳媒資料庫、大快活電競

佔地13,000呎嘅「大快活電競」登陸E-Max

全港首間「大快活電競」由九龍電競館同大快活聯手打造，呢間電競餐廳已經登陸九龍灣國際展貿中心E-Max！「大快活電競」最特別嘅係可以喺打機途中，利用QR code落單，玩家就算唔使離開座位，都享受到美食。

「大快活電競」六大區域

1.電競區

坐喺配備完善嘅電競區打機，打到肚餓，仲可以邊食邊玩。玩家利用QR code網上落單，就算唔使離開座位，都享受到美食。

「網上點餐」服務，只需三個步驟：掃描座位上 QR code、網頁即時落單再以電子付款方式結帳，坐定定等待美食送上，搞掂！

2.主舞台

主舞台設有10台電競對戰電腦同設置配備，對戰台前更裝咗10部LED高清電視播放比賽畫面。各位選手可以喺呢個專業嘅電競比賽場地進行交流。

3.用餐區

就算唔打機，都可以坐喺用餐區一路食嘢一路睇住人哋比賽。用餐區同主舞台相連，設有多部高清大電視，在比賽中能夠讓用餐者一同感受比賽嘅刺激。

非賽事時段可以睇重播賽事同電競新聞。

4.競吧 KE Bar

喺「大快活電競」入面仲有一個好特別嘅地方「競吧」。「競吧」由下午五點開到午夜12點，提供六款「黑鳶」本地手工啤酒！

5.直播區

「大快活電競」直播區設有三間唔同大小、配備自助直播設備嘅房間，入面仲有高質攝影器材。大家可以同朋友一齊直播，一嘗開Live嘅滋味。

6.多用途房間

「大快活電競」入面仲有一間充滿未來科技感嘅多用途房間，可容納超過50人。客人可以喺呢度舉辦唔同嘅私人活動。

食客同玩家喺「大快活電競」的只要連上場內20GB高速wifi，就可即場參與場內定期舉行的電競比賽，同其他在場玩家一決高下。

「大快活電競」

營業時間：

電競區 – 中午12時至午夜12時

用餐區 – 上午7時30分至午夜12時

大快活餐飲服務 – 早上7時30分至晚上9時

競吧 – 下午5時至午夜12時

地址：九龍灣國際展覽中心地庫1樓