Lollipop
Lollipop

Lollipop合體!回憶返晒嚟 趁小煜生日大唱六棒經典歌曲

影視娛樂

廣告

「我們之間,不會有改變⋯⋯」一聽到呢句歌詞,好多人都會諗起台灣綜藝節目《模范棒棒堂》。組合「Lollipop」由敖犬、小煜、威廉、阿緯、小傑、王子組成,事隔多年,佢哋都忙住發展個人演藝事業,想齊人真係一啲都唔容易。但今個月5號正正係小煜嘅34歲生日,佢就準備咗一份特別禮物送俾各位Fans!

撰文:SY|來源:熊貓眼娛樂Panda Eyes Entertainment@YouTube、模范棒棒堂、Lollipop@F、JPM

節目第一個經典偶像男子團體-Lollipop

台灣明星養成綜藝節目《模范棒棒堂》由2006年首播,當中捧紅咗唔少人,而節目第一個偶像男子團體「Lollipop」更係唔少人嘅青春回憶。

「Lollipop」由敖犬、小煜、威廉、阿緯、小傑、王子組成,6人被稱為「六棒」,當年更係唔少人追捧嘅偶像。「Lollipop」喺出道後更成功喺台北小巨蛋、香港紅館等大型場館舉辦演唱會。

為更好發展 各奔東西重新出發

「Lollipop」於2009年底約滿後,正式解散。其中敖犬、小煜、威廉、阿緯組成「Lollipop@F」,而小傑、王子同細佬毛弟組團「JPM」重新出發。

事隔多年,佢哋都忙住發展個人演藝事業,各奔東西。但仍有唔少Fans都好希望佢哋可以合體,再次再聚。

小煜的34歲生日 「6棒」合體唱經典歌曲

今個月5號係小煜嘅34歲生日,小煜拍咗一條片,將所有珍貴的回憶集結成「六棒經典歌曲大串燒」,最感動嘅係佢叫埋昔日戰友威廉、小傑、王子合唱。

喺影片中可見,威廉、王子、小傑陸續現身,同小煜合唱《黑糖秀》、《七彩棒棒堂》、《哪裡怕》等歌曲,勾起無數人嘅回憶。

雖然唔齊人,但喺最後一幕「四棒」出現嘅時候,阿緯、敖犬嘅樣仲被人整埋上去,總算係「六棒」合體,完成咗唔少Fans嘅心願。

好多網民睇完都話:「好想念你們~~要永遠記住最初的夢~」「我們之間不會有改變,聽到這一句淚也止不住了」「六棒是我的童年、青春」。

完整版:

https://www.youtube.com/watch?v=BxkWpLvOTww

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..