全民運動日 免費參加康體活動@Miss Sunny
全民運動日 免費參加康體活動@Miss Sunny

全民運動日 免費參加康體活動@Miss Sunny

(Presented by LCSD)

夏天係運動嘅季節,坐喺屋企不如運動出身汗!我Miss Sunny 想向大家介紹一個適合全家一齊運動嘅好節目,就係一年一度由康文署舉辦嘅全民運動日!

今年全民運動日喺8月4日(星期日)舉行,並繼續以「日日運動半個鐘 健康快樂人輕鬆」為口號,鼓勵唔同年齡和能力嘅市民恆常參與體育及體能活動。今年會以「武術」作為重點推廣體育項目,大會將舉辦多項相關活動供市民參與,藉此加深大眾對武術運動的認識。活動當日,康文署除了在指定體育館舉辦多項免費康體活動之外,並開放轄下大部分室內及戶外康樂設施供市民免費使用。巿民不論年紀,都一定搵到啱自己嘅康體活動。

今年免費活動包括:

健康講座及運動示範
健體閣
親子體育活動
體育同樂活動
殘疾人士活動
武術示範及同樂活動

除左上述提及嘅康體活動之外,仲想特別推介大家參加以下幾種活動,包括骨質密度測試、體適能測試及諮詢、姿勢評估及矯健諮詢以及下肢肌肉力量及平衡測試,完成呢幾類測試可以知道自己嘅身體狀況,而且統統都係免費參加添! 如果你都想參加咁多咁精彩嘅康體活動,記住喺7月15日(星期一)上午8時30分起,到康文署各分區康樂事務辦事處或指定場地報名或索取活動券,名額有限,先到先得。

3D相片攝影區

由即日起至8月31日,全港十八區指定場地設置多個主題與運動相關的3D相片攝影區,主題包括足球、馬術、繩網、欖球、滑浪、武術等,巿民可以影低新穎奇趣嘅相片同朋友開心share。

最新吃喝玩樂資訊