尖沙咀蠟筆小新主題點心 30款點心+甜品 点心代表食到|區區搵食
尖沙咀蠟筆小新主題點心 30款點心+甜品 点心代表食到|區區搵食

尖沙咀蠟筆小新主題點心 30款點心+甜品 点心代表食到|區區搵食

点心代表三年前推出過蠟筆小新點心,Fans反應超熱烈!今個暑假,蠟筆小新再同大家見面,點心以運動為主題,可見到小新和朋友仔在一運動會上舉啞鈴、踢足球、打網球等,小新點心會在尖沙咀食到,即睇詳情!

撰文:Joan|圖片:Q、点心代表

尖沙咀点心代表再推 蠟筆小新點心

点心代表2016年推出蠟筆小新點心,即使聯乘已完結多時,仍經常有客人希望小新點心再度回歸,今年暑假終於再見到小新!今次的聯乘系列於即日至10月14日推出,整個蠟筆小新餐單都是全新設計,有17款點心、2款飯類、7款甜品和4款飲品,同時保留了惡搞元素,符合小新得意搞笑的人物性格。

同時為配合來年2020年東京奧運會,所以食物特意以運動為主題,食物上會見到小新和朋友仔在參與運動會場景元素,如舉啞鈴、踢足球、打網球等。

蠟筆小新
蠟筆小新點心在7月15日至10月14日,於尖沙咀点心代表推出。
所以食物特意以運動為主題,食物上會見到小新和朋友仔在參與運動會場景元素,如舉啞鈴、踢足球、打網球等。
蠟筆小新餐單都是全新設計,有17款點心、2款飯類、7款甜品和4款飲品!

點心篇

不理不理左衛門奶黃流沙包 $49/籠(2個)
流沙奶黃餡用秘製鹹蛋黃,混合了好立克粉、煉奶和鮮牛油,鹹香得來不會膩。
曖昧朱古力流沙包(2個) $49/籠(2個)
朱古力餡由朱古力混合好立克粉、煉奶和植物牛油做成,濃郁帶甜。
IV8A7342
三兄弟鮮蝦餃
小新同埋阿呆、正男三個齊齊瞓晏覺,入面包著越南原隻大蝦和手打豬肉,並混入秘製豬油渣做成,足料得來好有口感,不過風間去咗邊呢?係咪去咗上英文補習班呀?
蝦蝦霸霸鮮蝦餃 $59
媽媽正在責罵小新、小白和小葵,唔知佢哋做錯咩事呢?蝦餃入面包著越南原隻大蝦和手切本地豬肉,並混入秘製豬油渣做成,足料得來好有口感。
燒賣和蝦餃也有全新口味配搭登場
動感蟹籽鮮蝦餃 $49
除了有越南原隻大蝦外,面頭放了適量蟹籽,更添咬口。
原隻鮑魚燒賣 $79
燒賣以本地鮮豬肉混越南大蝦作餡,面頭再放了日本原隻鮑魚,比一般的燒賣更巨型,好難一啖咬下!
晚安龍脷柳腸粉 $49
蝦餃和腸粉均以紐西蘭龍脷柳作餡,蝦餃上印了賴床中的小新,好難叫醒佢去返學!腸粉亦有小葵和小白在睡懶覺的得意樣,得意到唔捨得食!餡料有越南原隻大蝦、帶子和蟹柳。
小新舉鐵炸雲吞 $59
一口青芥蝦餅漢堡 $49

甜品

鹹牛肉芝士西多士 $69
合家歡草莓大福 $59
大福口感軟糯煙韌,包著半糖手工豆沙,微甜不膩,大福上放了原粒香甜的日本士多啤梨,賣相吸引。
香脆牛油蛋撻 $49
雪耳陳皮燉雪梨 $39
動感屁屁奶凍 $49
小新招牌的滑嘟嘟、震騰騰pat pat也在甜品中登場,pat pat下面的奶凍用日本3.6牛乳和淡奶油混合日本魚膠片,入口有香濃奶味!
原個菠蘿特飲(前) $59、原個西瓜特飲 $59
每枱也有多個小新和朋友仔紙牌可以喪影相
入座會每人派發一把印有小新屁屁的扇子,限量派發,想要要快點去!
消費滿$500,即免費贈送小新一家人的亞加力擺設。
点心代表

点心代表 x 蠟筆小新 點心系列

地址:尖沙咀彌敦道100號The ONE 3樓L308號舖(顯示地圖
電話:2885 1345
營業時間:星期一至日 11am-11pm
供應日期:15/7-14/10開始,為期三個月
網上訂位:www.dimsumicon.com.hk
FB專頁:DIM SUM ICON 点心代表

最新吃喝玩樂資訊