澳門喜來登推「檳城之夜」榴槤自助餐! 加MOP 200任食7款榴槤
澳門喜來登推「檳城之夜」榴槤自助餐! 加MOP 200任食7款榴槤

澳門喜來登推「檳城之夜」榴槤自助餐! 加MOP 200任食7款榴槤

食榴槤自助餐最忌無伴,你都有同樣煩惱?可考慮澳門喜來登新推出的自助餐,以檳城地道街頭小食為主題,另外只要客人另加MOP200就可到設在戶外的榴槤區任食7款榴槤,包括5款來自馬拉的:蘇丹王、紅蝦、XO、金包及紅肉等等。想再升級,亦可考慮加MOP 258購買1kg貓山王慢慢歎,吃到夠,才返回餐廳匯合同行親友,榴槤友和非榴槤友,皆大歡喜。

撰文:胡蚊 圖片:Day

「檳城之夜」自助餐

澳門喜來登大酒店今次新推「檳城之夜」自助餐,以檳城地道街頭小食為主題,有菠蘿酸香又有魚鮮的亞參叻沙、有鑊氣的福建炒麵、酸酸甜甜有蝦醬香的囉惹、肉香澎湃肉骨茶、炭火沙嗲。當然少不得回本必食的阿拉斯加蟹腳、波士頓龍蝦及麵包蟹。

澳門喜來登新推出的自助餐,以檳城地道街頭小食為主題。
澳門喜來登新推出的自助餐,以檳城地道街頭小食為主題。
香港人最愛的凍海鮮既有麵包蟹,亦有波士頓龍蝦,回本必食。
專為榴槤粉絲而設的戶外區,有師傅長駐,即叫即開。
喜來登今年首次舉辦任食榴槤,有別於坊間榴槤buffet,榴槤粉絲另外每位加MOP 200就可到隨時到戶外區任食,絕不影響同行朋友。
7款任食榴槤包括:蘇丹王、紅蝦、XO、金包、紅肉、越南及泰國金枕頭;如想享用貓山王,則MOP 258/kg。
為免影響其他人客,戶外區設有7張長枱,供粉絲坐低慢慢食,絕不能帶回餐廳室內。
福建蝦湯麵

「檳城之夜」自助餐
地點:澳門喜來登大酒店「盛宴」環球美饌自助餐廳(地圖
電話:+853 8113 1200
供應日期:7月12日至8月11日
供應時間:每晚6:30pm-10:30pm
收費:星期一至星期四 成人MOP438;
星期五至星期日MOP488;任吃榴槤每位另加MOP 200;
小童 MOP200/位,任食榴槤每位另加MOP 118。
訂位網址:www.feastmacao.com

最新吃喝玩樂資訊