屯門公園自娛區或將「壽終正寢」 區議會全票通過促取消
屯門公園自娛區或將「壽終正寢」 區議會全票通過促取消

屯門公園自娛區或將「壽終正寢」 區議會全票通過促取消

屯門公園多年以來的嘈音問題備受關注,大媽大聲播歌、跳艷舞及非法收取打賞的行為更是讓屯門居民怨聲載道。最近網民更在7月6日發起「光復屯門公園」行動,促政府關注事件。屯門區議會今日開會時就建議取消屯公自娛區,最終沒有議員反對,建議被一致通過,自娛區及艷舞大媽將「壽終正寢」。

撰文:GW|資料來源:屯門區議會、屯門公園衛生關注組

街坊成功爭取 屯門公園自娛區壽終正寢

主辦「光復屯門公園」遊行嘅屯門公園衛生關注組於7月9日中午喺Facebook專頁宣佈:「屯門街坊成功爭取自娛區壽終正寢」,屯門區議會今早不消幾分鐘就一致通過取消屯門公園內嘅「自娛區」,煩人嘅「大媽噪音」有望被取締,困擾屯門居民十多年嘅惡夢終於有機會得到解決!不過「關注組」就話:「噪音滋擾街坊十年,原來幾分鐘就解決到。咁請問呢十年嚟,區議會到底做緊咩?」多得一班網民同屯門街坊用遊行去「嘈」醒一眾區議員,令佢哋終於去關注屯門人真正嘅聲音及需要!

關注組宣佈:屯門街坊成功爭取自娛區壽終正寢(圖片來源:屯門公園衛生關注組)
屯門人憤怒了!過萬人喺上星期六參與「光復屯門公園」遊行(圖片來源:屯門公園衛生關注組)

區議會僅促取消自娛區 執法與否還看康文署

正當全港18區網民爭相向屯門人恭喜「爭取成功」時,就有心水清嘅網民就提醒大家,今次區議會通過議案,只係要求康文署加強執法,真正當握執行大權的是康文署,康文署屯門區康樂事務經理譚燕婷就喺在會議上話,當年喺公園劃出「自娛區」,目的係想減低園內「曲藝活動」嘅噪音,佢又否認外間所指,署方包庇大媽發放噪音、疑似喺公園「做生意」、「受打賞」等行為,又稱署方對取消自娛區持開放態度。似乎康文署對大媽噪音等問題「懶理」足足十多年,至於之後佢哋嚟緊會有咩行動就要拭目以待了!

「光復屯門公園」遊行 FB @Leo Lam

大媽如「病毒」 擴散全港各區

另外,亦有屯門街坊指,大媽嘅「搵食地」根本唔喺「自娛區」,而係喺公園嘅其他區域,認為單單是取消「自娛區」,恐怕未能徹底根治問題。亦有網民指,早年旺角西洋菜南街「殺街」後,「菜街大媽歌手」就如癌細胞般擴散至港九各區,即「轉場」去其他地方繼續玩。目前中環碼頭、尖沙咀天星碼頭、土瓜灣海心公園亦有大媽為患嘅問題。野火燒不盡,面對大媽猶如「小強」的生存力及適應力,唔知其他受影響地區嘅居民會唔會效法屯門人,再次發起類似嘅遊行活動呢?

「光復屯門公園」遊行 [email protected] New Lens
「光復屯門公園」遊行 [email protected] Lam

最新吃喝玩樂資訊