打卡影靚相又有教育意義!暑假必去挪亞方舟最新光影互動展館@Miss Sunny
打卡影靚相又有教育意義!暑假必去挪亞方舟最新光影互動展館@Miss Sunny

打卡影靚相又有教育意義!暑假必去挪亞方舟最新光影互動展館@Miss Sunny

暑假開始啦!忙住搜羅玩樂嘅好地方去輕鬆一下,加上成日喺石屎森林,都好想親親大自然,所以約埋班朋友去挪亞方舟睇埋最新嘅光影互動展館「e-Planet夢想星球」,打卡影靚相,又有環保教育意義,再食埋自助晚餐,無論大人或一家去一樣咁啱,好滿足呀!

(Presented By Noah’s Ark)

挪亞方舟光影互動展好玩又有環保教育意義

炎炎夏日,喺馬灣沙灘戲水完,跟住再出發去挪亞方舟繼續玩!今期最新嘅光影互動展館「e-Planet夢想星球」係暑假必到嘅好去處之一!展館分為4個主題: 森林、海洋、四季同未來城市,邊玩、邊影靚相、邊學習有關珍惜地球嘅環保訊息,實在太有意義!而家同大家逐一Highlight每個主題嘅必到打卡好位啦!

挪亞方舟光影互動展必到打卡位逐個數

1|「躍動之森」展區

去到「躍動之森」,入面有個互動巨型屏幕,可以同入面嘅動物互動,好得意呀!

挪亞方舟

2|「藍色奧秘」展區

一入到去,好似置身係深海入面,感覺好寧靜,好治癒呀!仲可以睇埋3D短片,俾我哋反思一下平日嘅日常生活習慣對海洋嘅影響。

挪亞方舟

3|「千色四季」展區

可以感受四季幻變,同埋自然景觀,好浪漫呀!呢幾個位打卡一流, 記得著白色衫嚟影相先靚架!

挪亞方舟

4|「未來城市」展區

呢個展區可以俾大家發揮想像同創意,畫出夢想中嘅未來城市。畫作完成後,仲可以印成Cushion添!即場印製Cushion 暑期優惠價HK$128(原價HK$198)

玩完挪亞方舟光影互動展 再歎美景美食

玩完E-Planet之後,係時間醫肚啦!一於去度假酒店食自助晚餐,而家到8月31號嘅「瀛風滋味海洋自助晚餐」,有冰鎮海鮮、極品蒜香和牛粒、灸燒黑松露三文魚壽司等,菜式選擇超豐富,仲可以望住青馬橋夜景,靚景加美食,真係人生一樂也!

提提你,想精明享受呢個識食識玩之旅,可以平日星期一至四嚟,因為新推出咗星期一至四嘅優惠套票,包展館入場門票連自助晚餐,現於挪亞方舟官網購票,即可優先預約「e-Planet夢想星球」等活動,節省輪候時間!即刻去官網訂飛啦︰https://www.noahsark.com.hk/tra/eplanet.jsp

挪亞方舟豐盛閣自助晚餐連夢想星球通行證套

套票供應日期:星期一至四 成人HK$308*/小童(3-11歲)及長者(65歲以上)HK$210*,可於同日5:00pm – 6:30pm遊覽夢想星球展館

*另加一服務費

 

最新吃喝玩樂資訊