網民「齊課金」集氣撐柏豪 五張唱片直衝銷量榜
撰文：GW｜來源：周柏豪IG@punkhippie、微博
香港網民有見及此就真金白銀課金撐柏豪，仲將5張唱片買到衝上銷量榜，仲追過Eason，柏豪仲喺IG向諸位豪粉講Thank You！
今日最高銷售量嘅Cantonpop唱片柏豪舊碟就佔咗5隻，單曲十大都佔咗4隻柏豪看似非常感動，在IG上Po了4張截圖上Story講Thank You，向各大豪粉致謝。
事件起因：
明星藝人因為立場所致，很多時會選擇不表態，但少量明星仍會透過社交網站表達意見。昨日7月2日是香港選民登記的最後一天，周柏豪就在IG呼籲大家記得登記做選民，亦無呼籲大家點投票，沒想到此舉就觸動了大陸網民嘅神經，湧入柏豪IG及微博狂鬧，仲話對柏豪好失望。
來源：周柏豪IG@punkhippie
周柏豪只是在個人IG出了一個黑底白字Post呼籲大家「記得登記做選民，最後今日」，並在底部附上政府的選民登記網址。不過就是這樣的舉動就令到疑似大陸網民勁嬲，在底下留咗大量簡體字留言辱罵柏豪，並且話自己對柏豪「非常失望」，從今以後不會再做柏豪粉絲及聽佢嘅歌。
其實登記做選民只是盡公民的責任，用自己的選票選出心水嘅議員，令自己的聲音能帶入立法會。柏豪亦都無要求過或呼籲過大家要將選票投向邊黨邊派，無奈地令到疑似大陸嘅網民非常嬲，不止攻陷柏豪IG，更將截圖貼去柏豪微博，令更多大陸網民加入「公審」柏豪的呼籲行為。
柏豪被大量大陸網民惡意攻擊，被冠上「港獨」的稱號，更被叫滾出中國香港。其實只是貼了一張呼籲大家登記做選民嘅圖，本來中立的事情卻被攻擊得體無完膚，令柏豪Fans非常心痛。
疑似大陸網民在IG攻擊柏豪，當中不少人更稱要「脫粉」、「不再聽你的歌」、「想不到你是這種人」，言論非常偏激。
亦有理性的粉絲替柏豪抱不平，「政府亦會呼籲香港市民登記做選民，為何如此中立的事情卻要被如此攻擊？」、「登記做選民後大家可以自由投票，不論是建制派或是反對派」、「柏豪並沒有帶有任何立場」等等。
