美觀又實用!日本昭和懷舊迷你家電系列|新品速遞
美觀又實用!日本昭和懷舊迷你家電系列|新品速遞

美觀又實用!日本昭和懷舊迷你家電系列|新品速遞

日本於今年5月1日邁入新年號「令和」,揭開歷史新一頁,不過向前看的同時,也不忘舊日的美好。有日本玩具家電商推出迷你昭和懷舊電器系列,全部睇得又用得,真係超得意呀!
撰文:Si|圖:Takara Tomyz、Instagram

昭和(1926-1989)是日本使用最長的年號,見證著日本的發展和興衰,人民生活、社會發展經歷重大改變。日本是世界電子業的先驅,其出產和設計的電器耐用、美觀,歷久不衰,如果你是懷舊愛好者,但空間有限,這套懷舊家電就啱晒你!

昭和電風扇

呢部座枱風扇嘅銀色金屬罩,仲有藍色扇葉,勾起咗幾多代人嘅回憶呢?就算屋企冇用過,睇電視電影都一定有見過。呢部迷你昭和風扇只有17cm高,擺喺書枱唔阻位,擺喺辦公桌就更加吸睛。

懷舊
售價 3,480円(含稅)/ HK$252
懷舊
有強弱、風向同計時功能,製作超級認真。
懷舊
連接USB即可使用。

懷舊

昭和Smart TV

呢部Smart TV連埋啡色懷舊電視櫃造型首先已經攞滿分,須配合手提電話使用,扭吓右下角嘅金色旋鈕,竟然可以轉台!如果閣下睇過「大牛龜」電視,一定試過訊號唔清而出現雪花,呢個時候你會點做呢?冇錯,就係狂拍電視機頂,估唔到呢個功能都加埋入去,勁過癮呀!

售價 3,980円(含稅)/ HK$288
電視螢幕其實係手機屏幕嚟。

昭和黑膠唱機

講到懷舊電器,又點少得黑膠唱機?只要連上手機藍芽就變身成為懷舊喇叭,只要放下唱針,唱盤就會轉動,好似真係播緊黑膠咁。

售價 4,980円(含稅)/ HK$360

昭和錄音收音機

聽cassette帶係好多人嘅青春回憶,想當年捕住電台錄低心愛偶像嘅歌、抄歌詞,錄低一餅精選歌嘅錄音帶送畀暗戀對象,絕對係以前青春電影嘅橋段。咪睇呢部錄音機細細部,只有一隻手掌咁大,但係有齊錄音、播音同收音機功能,一啲都唔兒戲㗎!

懷舊
售價 5,480円(含稅)/ HK$397

最新吃喝玩樂資訊