荃灣帝景酒店「反」轉Summer 住宿計劃!樹屋+自助餐+甜品班+滑水梯 |香港好去處
荃灣帝景酒店「反」轉Summer 住宿計劃!樹屋+自助餐+甜品班+滑水梯 |香港好去處

荃灣帝景酒店「反」轉Summer 住宿計劃!樹屋+自助餐+甜品班+滑水梯 |香港好去處

(Presented by Royal View Hotel)

好多家長成日都話小朋友大得太快,所以好珍惜同仔女相處嘅時光,同時希望盡量為家人製造更多有質量嘅親子回憶。講到呢度未知各位家長諗好暑假帶小朋友去邊度「反」未?假如未有頭緒,不妨嚟荃灣帝景酒店食住玩返一、兩晚,皆因酒店最近推出咗一個好抵嘅夏日住宿計劃呀!

 

「反」轉Summer 住宿計劃

呢個暑假住宿計劃優惠期由7月6日起至8月31日止,並劃分成「繽紛夏日 」($790起)、「活力夏日」($1,090起)同「夏日狂歡」 ($1,590起),三種唔同價錢同內容,全部以2位成人加1位小童為入住標準,基本項目已包括:入住山景客房一晚、翌日自助早餐、盛夏禮品套裝同 Haagen Dazs雪糕3杯。另有包含週末自助午餐、週末下午茶自助餐;以及自助晚餐嘅親子住宿計劃,以供選擇。

 

升級任揀多個主題設計客房

除入住山景客房外,仲可以加錢升級入住多個主題客房,包括:森林樹屋、型格泥頭車、躍動音樂、遊戲王國、海洋世界、探索太空同激鬥跑車。相信小朋友一打開房門見到,實好開心雀躍咁衝去「反」轉成間房!只要俾多$80一晚,就可以額外加多1位小童床位。如果額外加多1位成人床位,每晚都不過另加$280。兩者同時兼送翌日自助早餐。($100-400不等,視乎客房而定。)

除咗森林小樹屋外,大家仲可以入住型格泥頭車、躍動音樂、遊戲王國、海洋世界、探索太空,同激鬥跑車等其他主題客房。

 

「反」轉水陸歷險區+甜品班+送爆谷

只要逢星期六、日及公眾假期入住,仲可以免費獲贈「反」轉歷險區遊戲證,玩盡酒店內所有水陸歷險設施同活動(12:00nn – 6:00pm),好似刺激水上滑梯、互動投影玩樂區、水上遊船河、空中田園^、Xbox、PS4動感遊戲、益智氣墊球同足球競技賽等。另外,仲可以免費參加「朱古力熔岩蛋糕」甜品製作班 (2:15pm –3:00pm),而小朋友更可以免費獲贈爆谷一杯𠻹!(^空中田園,逢星期六、日及公眾假期,上午10:00至中午12:00開放。)

 

刺激好玩又消暑降溫嘅水上滑梯,小朋友又點可以錯過!

 

反轉歷險區設有新奇刺激又安全嘅水上遊船河,俾小朋友玩到樂而忘返。

 

一家大細喺波波池內玩緊嘅同時,仲可以玩埋互動投影玩樂區等遊戲。

 

嗲哋同仔仔最好嘅親子活動,除咗一齊踢波同游水以外,一定非打機莫屬。

 

益智氣墊球唔單止好啱一家大細玩,仲可以鍛鍊埋小朋友嘅手眼協調能力。

 

遊戲機地仲有好多唔同類型嘅遊戲,等緊你同小朋友嚟親自發掘兼俾玩後報告。

 

想參加「朱古力熔岩蛋糕」甜品製作班,就記得要星期六、日及公眾假期入住啦!

 

夏日「鮮」味十足鮑魚海鮮Buffet

放咗成日電一定好肚餓!咁就唔可以錯過酒店豐盛又鮮味嘅「東南亞.鮑魚海鮮自助晚餐」啦!以矜貴嘅鮑魚做主角,再加上一系列開胃醒神嘅東南亞菜式及新鮮肥美嘅夏日海鮮美食,仲有多款造型有趣別緻嘅甜品,相信無論大人定小朋友,都會食到舐舐脷 !

小朋友就算有美食當前,都會記得要同跟嗲哋、媽咪一齊開心Share,好窩心啊。

 

現場設有Live Cooking Corner,有大廚即時為大家炮製東南亞風味麵食。

 

(左)每位惠顧自助晚餐嘅客人,都會額外獲贈「汁燒鮮鮑魚」一客。(右)一系列東南亞風味海鮮菜式,惹味得嚟又五味紛陳,叫人食指大動。

 

現場仲有大量長腳蟹、青口、鮮蝦等時令海鮮冷盤。

 

造型別緻嘅甜品,特別設計成一口size,就算食幾多款都唔怕食膩。

 

帝景酒店座落汀九橋路段,住客可於港鐵站乘坐免費接駁專車前往,非常方便。

 

 

帝景酒店

地址:荃灣青山公路汀九段353號

電話:3716 2888

網址:https://www.royalview.com.hk/hk/summer-time-summer-fun-accommodation-package/

最新吃喝玩樂資訊