【懶人神器】嫌吹頭洗頭太麻煩 網紅發明自動洗髮機幫到你!
【懶人神器】嫌吹頭洗頭太麻煩 網紅發明自動洗髮機幫到你!

【懶人神器】嫌吹頭洗頭太麻煩 網紅發明自動洗髮機幫到你!

炎炎夏日成日滿頭大汗,又覺得洗頭同吹頭好煩好厭倦?咁以下呢個超「實用」發明實幫到你!擁有百萬Fans嘅網紅發明家「手工耿」就好似聽到全世界長髮人嘅心聲咁,發明咗一部自動洗髮機,只要一開機就會自動幫你「洗頭、沖水、烘乾」,完全係懶人神器!

撰文:GW|來源:微博@手工耿

呢位網紅發明家「手工耿」可能因為自己都係長髮,所以特別了解長髮人洗頭嘅痛苦之處。不止要洗、要沖、仲要吹乾,可能成個過程就需要用上成個鐘頭,不止耗費時間仲十分浪費精力。

將健身及洗頭融於一身
只要按下按鈕就會自動升降
洗髮功能

因此手工耿就用咗佢強大嘅創造力同心血,打造咗呢一部集「洗頭、沖水、烘乾」於一身嘅自動洗髮神器!聲稱仲可以邊洗頭邊做健身運動,符合現代人忙碌嘅生活節奏咁話!

洗髮功能
自帶烘乾功能
手工耿真人示範

自動洗髮機使用方法:

因為呢部自動洗頭機係採用倒立式設計,只要㩒個制後就會成個倒轉,要靠自己力量堅持喺塊板上面,從而達到洗頭同健身嘅效果。BTW因為都係倒立式設計嘅緣故,只要倒轉後一注水,就呼吸唔到,所以要事先拎衣夾夾住個鼻同咬住浮潛用嘅膠管呼吸。

衣夾夾鼻同咬膠管呼吸 非常重要

準備工夫做好同心理建設做好後就可以㩒制開始倒立同注水。

準備工夫不可少
開始注水
注水完成50%
注水成功

當注水成功後就可以開啟漂洗模式(類似洗衣機),秀髮就開始隨著水流擺動,水流速度仲極快,頭髮可謂無死角地被洗乾淨,仲不傷髮質。

開始漂洗(類似洗衣機)
水流速度極快
人與地面呈90度直角

當覺得頭髮被洗淨後,就可以將洗髮後的污水排走。自動洗髮機在洗頭處自帶吹頭烘乾設備,只要在原位再堅持倒立一陣子,颱風級別的風速就會將你的秀髮吹乾,非常貼心。

自帶烘乾系統

「自動洗髮機」創作者手工耿表示,這樣洗完再吹出來的頭髮蓬鬆又自然。

聲稱頭髮蓬鬆又自然

網民回應

百萬網紅「手工耿」本來就以發明「無用嘅產品」為特色而聞名網絡(手工耿微博)。網民就表示「點解可以一表正經咁認真地介紹咁無用嘅發明??」、「未用完應該已經腦充血」、「產品做工複雜又精緻,不是專家絕對製造不出來!但真的很無用!」、「如果有一日手工耿發明嘅嘢有用,我就取消關注!」

影片

最新吃喝玩樂資訊