維記牛奶中環Pop Up Store 18款口味雪糕杯 必試D24榴槤+粟米味|區區搵食
維記牛奶中環Pop Up Store 18款口味雪糕杯 必試D24榴槤+粟米味|區區搵食

維記牛奶中環Pop Up Store 18款口味雪糕杯 必試D24榴槤+粟米味|區區搵食

維記牛奶於7月再度於中環開Pop Up Store,一次過把維記18款雪糕全部晒冷,當中有不少新口味,包括特級D24榴槤、粟米和薑母糖等,味道濃郁!更可免費試食18款雪糕,甜品迷要GoGoGo啦!

撰文:Rice 攝影:Woody

維記牛奶中環Pop Up Store
18款口味雪糕 必試D24榴槤口味!

維記繼上年開設Pop Up Store後,今年再度於中環舉行為期2個月的Pop Up Store,這次的設計跟上年一樣,甫進場便可看到多個紅白雪糕櫃,入面有著18款口味雪糕杯,新舊口味應有盡有。當中最注目的當然是新推出的特級榴槤雪糕,用上馬來西亞直送的D24榴槤漿,榴槤份量比以前多,味道更香濃。

維記於中環舉行Pop Up Store
店內有多個紅白雪糕櫃,環境布置得色彩繽紛,好啱打卡。
是次場內有18款雪糕,口味眾多!
這次Pop Up Store則會有9款口味新登場
招牌特級榴槤$25
用上比平時榴槤雪糕更多份量的D24榴槤漿,味道更濃郁。

全新口味雪糕:粟米+薑母糖

除榴槤外,同場更有8款全新雪糕口味,包括粟米、番石榴、蘋果、黑加侖子、栗子、薑母糖、黑糖和接骨木果等,味道市面少見,另外也有開心果、菠蘿、柚子和特級雲呢嗱口味,大家可不能錯過。客人可於店內免費試食任何口味,再㨂自己心水雪糕杯,一次食勻18款口味不是夢,啱晒雪糕迷。

粟米雪糕$20
另一招牌口味,入面更有粒粒粟米,更有口感。
薑母糖$20
薑味突出,不過記者覺得冬天吃會較適合。
番石榴$20
番石榴味道酸甜,感覺超fresh。
豆腐雪糕$15(左)、開心果雪糕$25(右)
豆腐豆乳味甚出,雪糕幼滑。
跟平常食開心果味道相近,口感較醇厚。

是次pop up store有夏日冰袋派對套裝,套裝一共2款選擇,一盒有12盒雪糕,好適合開Party用!

SetA$300
一共有12杯榴槤口味雪糕,啱晒榴槤迷。
Set B $245
也是有12杯不同口味雪糕,也包含最新口味。

其他產品
雪米糍+甜筒

談及維記產品,當然也不少得雪米糍和甜筒。雪米糍有6款口味,亦有迷你版可選。而甜筒則有6款口味可選。

雪米糍有6款口味,店內亦有最新推出櫻花味荔枝口味。
櫻花味荔枝$15
一打開荔枝味已撲鼻而來,香甜滋味。
迷你雪米糍有6款口味可選,全部都是$15/盒。
記者推介阿華田營養麥芽口味,阿華田味道甚出,口感煙韌。
有6款甜筒口味,每支甜筒$15。
乳酪飲品$15/盒
有原味、青蘋果、白桃及甜桔檸檬。
3款牛奶$15/枝
若一次過買4枝牛奶,即可免費換購環保飲管套裝。

周邊產品
環保袋+Notebook

同場也有不少周邊產品,有陶瓷杯及杯墊、Notebook、環保袋。

陶瓷杯$35/杯、陶瓷杯墊$25/塊
Notebook$40/本
有8款款式,款款造型精美。
環保袋$50/個
一共7款款式,造型趣緻。

維記Pop Up Store

地址:中環威靈頓街33號地下 (顯示地圖
日期:7月2日-8月31日
營業時間:星期日至三 10am-8pm、星期四至六 10am-10pm

最新吃喝玩樂資訊