上環高質日式一人火鍋Omakase！ KURO SHABU前六星級酒店大廚主理＋和牛鹿兒島直送｜區區搵食
廣告
上環荷李活道，近文武廟，新開了一間走日系風格的火鍋店。店子總廚來頭不小，由曾於六星級香港君悅酒店鹿悅掌廚的馬基良主理，他獲獎無數，曾招待許多政府高官，經驗老到。馬師傅善於創作日西合璧的料理，而且對食材要求高，食物質素自然有保證。
撰文：素岐｜圖片：Fion
上環高質日本和牛火鍋店
餐廳主打日本黑毛和牛、黑豚肉及黑薩摩雞，全部由鹿兒島獲獎農場Nanchiku直送到港。黑毛和牛現時供應七個部位，包括西冷、肉眼、牛柳、牛腿肉、牛胸腹肉、牛肩及牛下肩胛。原件和牛刨成薄片，色澤鮮紅，輕涮幾秒即可食用，食落軟如棉花，滿嘴油脂甘香。特別推介牛肩胛位，脂肪少，肉味濃郁，帶有嚼勁。
晚市高質套餐，嘗到多款日本黑毛和牛，包括3款A5和牛（肉眼、西冷、牛肩）和兩款A4和牛（牛柳、牛腿肉），足足有130g重，份量剛好，過多反而過膩。
鹿兒島黑豚以番薯作飼料，肉質腍身無臊味；黑薩摩雞月產只有300隻，無添加任何激素，脂肪較少，肉質結實 有咬勁。就連湯底也毫不馬虎，用上日本北海道罕有的籠目昆布，以及飛驒天然井水煮成湯底，味道清甜，內含豐富褐藻素，對腸胃有益。
選用西冷和肉眼，均屬油脂豐富的部位。用上珍貴 法式銅鍋，傳熱夠快，涮幾秒就食得，入口溶化。
共供應3款黑豚部位，分別是黑豚腩肉、豬背、豬 肩。無論肉味及油脂質素均上佳，甘香而不膩。
餐牌主要供應午市及晚市套餐，最高檔次的廚師發辦，一Set有齊3款肉、蔬菜拼盤、白飯或稻庭烏冬，以及甜品，份量十足，食到飽肚。
單一湯底用上籠目昆布煮成，褐藻糖膠含量高，近年被視為營養食材之一。
日本流行進食十六穀米，以糙米為主要成分，包含燕麥粒、洋薏 仁、黑豆等16種穀物，營養價值高。
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
