放屁無有怕！外國公司發明男女通用吸屁護墊 網民：「滅聲先係最重要！」| 網絡熱話

撰文：Evita | 圖片：劇照、FLAT-D

放屁唔使驚！外國公司發明吸屁護墊

放屁乃係人體正常生理反應，外國公司FLAT-D指，普通人每日排出腸胃脹氣約14次，氣體主要由二氧化碳、氧氣，氮氣，氫氣，有時仲有甲烷所製成。當食物以未消化嘅狀態進入大腸，益菌就會分解食物，從而產生氫氣同二氧化碳等氣體。而放屁時總會有聲又有味，令唔少人都感到尷尬。

有外國公司推出100%吸屁味護墊，產品利用活性碳所造成，可以將人體所釋出嘅臭屁收喺護墊內，用家只要將護墊貼喺內褲就得喇！

護墊面積係7吋長5吋闊，配有10片雙面膠紙，而且非常薄身，用咗都唔覺，加上使用嘅活性碳布墊可以重覆使用，假如手洗的話，可以持續使用幾個星期，非常環保！

FLAT-D亦推出即棄吸屁護墊，10塊價錢約$33美金（約$258港元）。

不過有網民就指吸味都係其次，最重要係吸聲，咁先可以掩飾係自己放屁啊！如果你或你朋友經常放屁，不妨買番塊嚟試吓！