韓國
韓國

韓國女星揭3招有效止汗方法 夏日唔再怕出汗尷尬

時尚美容

廣告

夏日夏日熱辣辣,好熱好熱~夏天出街好容易成身汗,對於「大熱症」嘅人嚟講,落一落街件衫就濕晒,非常尷尬!對於要喺戶外拍攝同表演嘅藝人嚟講,高溫天氣更可以係加重演出負擔。早前就有韓國女團成員揭露3招止汗方法,大家都可以試吓啵!

編輯:Evita | 圖片來源:影片截圖 |撰文:Pi

韓國女星Way揭3招有效止汗方法

韓國女團「Crayon Pop」成員Way喺YouTube分享到底明星係點樣解決出汗問題。

Way指明星都係人,都係會流汗嘅,而且有啲人仲會流到好似淋完雨咁,但係為咗喺螢幕面前呈現最好一面,喺鏡頭背後都會花好多努力!

Way介紹大家自己用過嘅三個方法

1:緊急處理妝髮

藝人會因大量流汗而溶妝,所以一有時間造型師就會用風筒,將扁塌嘅頭髮重新整理好,令藝人盡可能每一次上台都係以最佳狀態。

2:工作人員要係身邊時刻準備

工作人員會拎住毛巾喺後台準備,等藝人上台之前或落台都可以抹一下臉、頸、背等位置,如果發現有少少溶妝,仲可以馬上補妝,Way更指如果需要連續表演真係會流好多汗,但係佢哋都唔會太擔心,因為有工作人員係身邊。

但係作為普通市民嘅我哋,無工作人員喺身邊都唔梗要,帶條手巾仔出街,抹走身上嘅汗水就得啦!

3:腋下清潔

唔少藝人都有清理腋毛的習慣,而Way就建議大家應該越年輕做脫毛越好,因為只係剃毛的話,好容易會導致黑色素深沉,日子越耐就會越嚟越黑。Way又話有時藝人都會用止汗產品,但係唔太常見,因為止汗劑會令毛孔堵塞啊!

關鍵詞
韓國YouTube