Adobe
Adobe

藝人、KOL剋星!Adobe研發面部偵測軟件 P圖假樣速速現

熱話

廣告

而家只要有部智能手機,就人人都係「攝影大師」同「修圖天才」。有好多藝人同KOL為咗令相片顯得更有風格,又或者想將自己瞬間變靚,都會花大量精神同時間執執張相先再放上網,為求打造完美嘅自己。不過,即將會有軟件可以破解「照騙」問題喇!

撰文:Evita、東方新地 |圖片:Adobe 官網、Instagram、微博

Adobe研發面部偵測軟件

而家網絡上成日都出現經已被修改過嘅圖片,人人都顯得皮膚又白又長腿。不過Adobe現正同加州大學伯克利分校3位人員開發一種可以檢測圖像編輯嘅軟件,能夠利用AI偵測出相片中邊個位置曾經被修改。不過軟件暫時只可是偵測到由Adobe Photoshop中Face Aware Liquify功能修改過嘅人臉。

Adobe官方表示,已經請嚟一啲人進行測試,要求佢哋搵出相片中曾經修改過嘅部分,但係憑人類肉眼只能答中53%,而AI結果高達99%。重點係呢個研發中嘅軟件,可以將相片打回原形,姐係各位網民將來有機會唔使再睇「照騙」喇!

微博修圖高手 超越「偽裝」神級

講起P圖,話說微博有位叫Kanahoooo嘅博主擁有3百幾萬粉絲,皆因好多人都想經他神手P一P,成為男神女神,一齊欣賞一下呢位大神嘅「現化易容術」吧!

 

 

Eason陳奕迅也被大神P成回到25歲的時候,雖然頭髮有點假,不過跟年輕時的Eason真的十分相似(明明就是同一個人)!

假如金正恩變瘦的話想必也是一個帥哥,看來是一個潜力股啊!

關鍵詞
adobe