屯門豬扒飯+手工麵小店!母女檔溫情住家飯 開至凌晨2點|小店你好嘢
屯門豬扒飯+手工麵小店!母女檔溫情住家飯 開至凌晨2點|小店你好嘢

屯門豬扒飯+手工麵小店!母女檔溫情住家飯 開至凌晨2點|小店你好嘢

屯門小店閨.家,由媽媽儀姐和囡囡Ashley主理,主打招牌手工麵和豬扒飯,由於囡囡自小就對味精和防腐劑敏感,所以媽媽就為她設計一系列好食又無添加食物,亦希望將此帶給一眾街坊,所以就開這一間店。店內所有食品全無防腐劑和無味精,讓食客食得安心亦有家的感覺,同場更有無辣咖喱飯和自家湯水,每款食物都由媽媽儀姐精心設計,擁有家的感覺。

撰文:Sakura 攝影:Fion

屯門母女檔小店
無味精住家飯+自家手工麵店

屯門麵店閨.家,由媽媽儀姐和囡囡Ashley主理。媽媽儀姐曾經營茶餐廳,而囡囡就修讀建築學,畢業後就經常於地盤工作,她自小就對味精和防腐劑敏感,所以在外面食飯經常會出現敏感徵狀,亦令她很掛念媽媽做的味道,其中手工麵及豬扒飯,就是媽媽親自為她設計,無添加令她可以吃得放心。亦因此Ashley就跟家人有了開這小店的想法,希望將如此好吃又有住家味道的菜式,帶給一眾街坊,店子更開至凌晨2點30分,日出晚歸的街坊,都可以品嚐住家飯。

屯門
屯門新開小店閨.家,由媽媽儀姐和囡囡Ashley主理。
囡囡Ashley每日一下班就會到店鋪幫手

人手揼鬆果汁醃扒 即叫即煎招牌豬扒飯

招牌豬扒飯其特別之處,在於普遍坊間餐廳都會落梳打粉,重手的話更會食到一陣鹼水味,而這店的豬扒不落味精之餘,更會選用果汁代替梳打粉,食落會有一種甜味而且好鬆軟。另外豬扒會人手逐塊揼鬆,用鐵板即叫即煎,預求令豬扒多肉汁又香脆。

招牌豬扒飯$45
豬扒肉質鮮嫩,煎至香脆,送飯一流!

即叫即搓 蔬菜手工麵

另一款招牌菜就是手工麵,每個麵糰都是人手即叫即搓,用純麵粉和雞蛋,再加入蔬菜汁如菠菜汁或甘筍汁製成,顏色賣相吸引,食落麵條煙韌爽彈,有陣陣蔬菜香,大人小朋友都非常啱食。手工麵由於無添加防腐劑,放太久就會好快淋,故務求保持質素,手工麵只設堂食,不設外賣。

人手即叫即搓
菠菜手工麵
甘筍手工麵
家傳炆豬手即製手工麵$43
菠菜麵散發陣陣菠菜香,食落有嚼勁,麵條彈牙,而豬手亦炆得相當軟淋,非常入味!
糖醋排骨即製手工麵$43
甘筍手工麵食落爽彈又健康,配上肉質肥美糖醋排骨,酸酸甜甜很開胃!

咖喱飯可自選辣度

店內的咖喱同樣吸引,由於囡囡不食辣,所以媽媽就自製一款無辣咖喱,採用7種不同的咖喱粉混合而成,用上椰奶和花奶作咖喱醬汁,食落會有濃郁椰奶香,相當惹味,非常適合吃不到辣又想吃咖喱的客人。因應大眾口味,店內咖喱有分無辣、少辣、中辣和勁辣,滿足不同客人需要。

咖喱雞翼飯$46
食落咖喱充滿椰奶香,濃郁惹味,非常適合吃不到辣又想吃咖喱的客人。
咖喱醬汁採用不同的咖喱粉混合而成,再加上椰奶和花奶,味道又香又濃。
手剁鹹魚肉餅飯$46
媽媽會人手即叫即剁肉餅,肉餅鬆軟爽身,鹹香味濃。

店內更提供自家湯水,不含味精,每日花4小時熬製,每天不同,飲落足料,有家的感覺。

任何飯會免費附送一碗老火湯,單點$28/碗
湯水每天不同,絕無味精,十分足料!
店內裝修打破傳統碟頭飯麻甩的形象,以童話作主題。

閨.家
地址:屯門富健花園地下40號(顯示地圖
電話:6073 3111
營業時間:星期一至日 10:00am-2:30am
Fb專頁:閨•家

最新吃喝玩樂資訊