港媽
港媽

中產港媽埋單向收銀咁做!超無禮貌睇唔起人+教女要努力讀書|網絡熱話

熱話

廣告

港媽們行為摸不著底線,有網民投稿至「西客之道Hispitality Secret」專頁,表示過往做兼職時,就曾經受到港媽不尊重對待。但正所謂行行出狀元,每一個行業都需要有人願意去做,社會先可以正常運作。不過,呢位港媽自以為高高在上,睇唔起其他人之餘更會用說話去傷害人,到底有幾過分?

撰文:Evita|圖片:網上圖片、西客之道Hispitality Secret

港媽埋單向收銀員掟信用卡

有網民投稿,回憶當年考完公開試後,就做兼職售貨員,而事件發生嘅當日就被派去做收銀位。樓主話舖頭位於香港中產區,經常都會有好多家長幫襯,而當日就被一位家長受到不尊重對待。樓主指當日為呢位家長收銀,詢問要唔要膠袋時,家長竟然用「掟」嘅方式,將信用卡「掟」出嚟。

有網民投稿至Facebook呻。(圖片來源:FB@西客之道截圖)
有網民投稿至Facebook呻。(圖片來源:FB@西客之道截圖)

樓主指當時心諗點解可以喺個女面前咁無禮貌,收完錢後諗住件事都算,點知……

家長:「嗱!阿女,要努力讀書啊,唔係大個就會好似呢個姐姐咁㗎喇!」

不過身為著重「好客之道」嘅香港售貨員,當然只能喺心裡咒罵,樓主心諗:「咁睇唔起sales,就唔好出嚟買嘢」,又話「最慘係個女畀佢灌輸曬啲錯嘅價值觀」。

港媽 教女要努力讀書唔好做售貨員。(圖片來源:FB@西客之道截圖)
港媽 教女要努力讀書唔好做售貨員。(圖片來源:FB@西客之道截圖、空姐忙什麼)

港媽超市內教女唔好做理貨員

其實以前都有類似投稿,有做超市理貨員嘅網民指有港媽帶同囡囡行超市,過程中同囡囡嘅對話令網民嬲爆!

網民指有日同同事喺舖頭執貨架時,聽到有細路女問媽媽:「呢兩個姐姐喺度做啲咩啊?」

港媽:「呢兩個就係啲執貨嘅人,要搬搬抬抬好辛苦架!」

港媽帶同囡囡行超市,對話令網民嬲爆!(圖片來源:Pexels)
港媽帶同囡囡行超市,對話令網民嬲爆!(圖片來源:Pexels)

網民就話聽到呢到都正常,唔想出聲,點知跟住嘅對話先乞人憎。

妹妹:「點解辛苦嘅?」

港媽:「因為呢兩個人讀書唔成,所以要做埋晒呢咁下賤嘅工種,要喺度執埋晒啲狗屎垃圾,你大個要孝順我啊,唔好似佢地咁啊知唔知?」

網民聽到嬲爆,表示做呢份工養得起自己同父母,完全對得住自己,而非港媽口中所講嘅下賤。

於是網民就同同事大聲扮傾偈:「我哋喺度執緊垃圾,咁入嚟嗰啲係咩人呢吓?」

同事:「嗰啲咪就係入嚟揀垃圾囉,我地袋住人工去執啲狗屎垃圾,慘過有啲人仲要畀錢買啊陰功。」

(圖片來源:Pexels)
港媽指網民執貨是下賤嘅工種。(圖片來源:FB@西客之道截圖)

港媽聽到呢番說話後,不禁大鬧「你哋呢啲咁嘅人識得啲咩啊?」而同事都忍唔住回應對方係怪獸家長兼玻璃心。不過港媽都唔執輸,以「抵你成世打呢份工啊!做埋晒呢啲低級工種!」回敬。網民就表示「真係咁高級就唔洗幫襯我地呢啲貧民窟啦!」

網民大罵港媽:狗眼看人低

事件喺Facebook發布後,得到大批網民鬧爆港媽「唔識尊重人」、「狗眼看人低」,「做緊大學去超市做兼職好正常」等等,亦有人擔心事件中嘅囡囡大個咗會變咗阿媽咁野蠻。

不要狗眼看人低。(圖片來源:FB@西客之道截圖)
不要狗眼看人低。(圖片來源:FB@西客之道截圖)
有人擔心事件中嘅囡囡大個咗會變咗阿媽咁野蠻。(圖片來源:FB@西客之道截圖)
有人擔心事件中嘅囡囡大個咗會變咗阿媽咁野蠻。(圖片來源:FB@西客之道截圖)
有網民指社會上成日有這種家長。(圖片來源:FB@西客之道截圖)
有網民指社會上成日有這種家長。(圖片來源:FB@西客之道截圖)

撰文:Evita|圖片:網上圖片、西客之道