《天與地》8年前播出成TVB神劇 重溫12句入心入肺金句
編輯：Evita ｜圖片：《天與地》劇照 ｜原文：東方新地
重溫TVB《天與地》12句入心入肺金句
金句一：天文台被鬧死
《天與地》中，曾出現了打風情節，劉俊雄(林保怡飾)即天文台台長上身，指再掛八號波機會極微，之後雷耀彬(張國強飾)直指：「天文台一定會被鬧死」，寸爆天文台經常因掛錯波，而飽受市民批評！
金句二：鍾意食蛇就轉會
工會職員Alfred：「人哋啲大型工會組織，佢哋啲活動就好喇，食蛇宴啦、摘荔枝啦，買啲平價米、平價油咁樣。我哋淨係可以搞家居電器維修興趣班咋。點樣join人啊？仲話join多啲人，心照啦！」區海晴(李思雅飾)即直斥：「係咁鍾意食蛇，咪轉會囉！」寸爆見利忘義的人！
金句三：政治世界係污糟邋遢嘅世界
劉俊雄於街邊為選舉拉票時說：「無論係香港定世界任何一個地方，政治世界就係污糟邋遢嘅世界，從政手段就只有卑鄙、奸詐，除咗呢樣，就只有更卑鄙、更奸詐。大家如果想得到公義嘅話，我可以話畀大家聽，一個公義嘅人，絕對、亦無可能幫你哋達到目的。」
金句四：做人唔係本來應該係咁？
Dr. Dylan(Joe Junior飾)解釋Rock & Roll精神：「獨立嘅精神、抗拒建制、自由、愛、勇往直前，其實何止係Rock & Roll，我哋做人唔係本來就應該係咁嘅咩？」
金句六：窮人最想黐有錢佬
劇情講到成功進入立法會嘅劉俊雄，認為另一議員埋有錢佬堆搵着數，結果被對方拋窒：「窮人最想黐有錢人，有錢人最想黐啲官！我可能搵錢無你咁多，但我有嘅係權！好多工商政策我有份投票，所以啲有錢佬驚我唔嚟飲飲食食！」
金句八：和諧唔係一百個人講同一句話
葉梓恩(佘詩曼飾)講出對和諧睇法：「今晚喺呢度，我呼籲警方、外邊嘅市民、所有傳媒，無需要恐懼我哋嘅聚集。因為喺呢度，每一個支持同追求獨立音樂嘅人，佢哋都代表住每一種獨立同自主嘅做人方法。呢啲並唔係唔和諧嘅表現，和諧唔係一百個人講同一番說話，和諧係一百個人有一百句唔同說話之餘，又互相尊重。」
金句十：This city is dying, you know？
Dr. Dylan向葉梓恩慨嘆香港人金錢至上：「你睇吓我哋呢個世界，睇吓我哋呢個城市係乜嘢樣，除咗錢呢個字之外，我哋已經分辨唔出是非黑白，我哋每個人都被環境訓練到，好似倒模出嚟咁。鍾意食同一樣嘅嘢、鍾意同一樣電視節目、支持同一種政治立場，信奉同一種生老病死嘅做人方法，this city is dying, you know？」
金句十一：議員又講錯字，又有懶音
何Sir（鄭子誠飾）：「厲害厲害！詞鋒銳利，字字鏗鏘。我上個禮拜睇立法會直播，議員又講錯字，又有懶音，又亂講英文，如果當日選咗你入去，娛樂性一定豐富得多。」
金句十二：Rock & Roll never die!
Rico （戴耀明飾）：「無錯，大家而家聽到嘅嘭嘭聲，就係強權同制度下嘅代表，建制下嘅當權者。佢哋最恐懼嘅就係佢哋管治嘅人唔聽話。但係喺外面嘅人有自己嘅諗法，有自己嘅主張；但係Rock & Roll嘅精神，就係講獨立嘅精神。我哋每一個人都係自己嘅主人，我哋每一個人都有權主宰自己嘅路黎行㗎！雖然今晚呢個show可能係非法進行，但係我哋唔會就咁屈服。Rock & Roll never die！Rock & Roll never die！Rock & Roll never die！」
將來還有什麼演唱會值得留意？
有不少歌手宣布舉辦演唱會，小編為你整合了香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
