疑不滿因塞車導致車資大增 港女大鬧的士車廂:「係咪要報警啊?」 | 網絡熱話
疑不滿因塞車導致車資大增 港女大鬧的士車廂:「係咪要報警啊?」 | 網絡熱話

疑不滿因塞車導致車資大增 港女大鬧的士車廂:「係咪要報警啊?」 | 網絡熱話

的士按路程收費相信大家都知,然而無論等紅綠燈抑或塞車,咪錶都會自動跳錶。不過有乘客疑不滿因為塞車後車資大增,落車前質問司機,更要求報警,令涉事司機都忍唔住將聲帶上傳至Facebook,獲得大批網民大鬧呢位乘客係港女!

撰文:Evita | 圖片:的士司機資訊網 Taxi、劇照

港女不滿塞車導致車資大增

的士司機陳先生喺今日較早時段,將一條帶有聲音嘅車Cam上傳到「的士司機資訊網Taxi」Facebook群組,再配以簡單一句「小姐……你想點……?」

港女
的士駛進的士站
港女
的士停低後,雙方開始爭論

陳生今朝(13/6)上午9時42分接載呢名女乘客到目的地,從車Cam影片見到的士駛入的士總站後停車,女乘客立即問:「你係咪照收返我呢個錢啊?」

女乘客續指:「你頭先一路都無行喎架車,喺到塞車喎!」

陳生想回應時又被女乘客截停:「落雨喎!係咪要報警啊?」

後來聽到陳生一聲嘆氣:「唉!隨便報,報!」

女乘客又再質問:「係咪要報警啊?頭先條路明明暢通無阻嘅,5分鐘你70蚊喎大佬!邊到都嚟到啊!」

陳生終於有機會反駁:「等候時間都要收錢㗎小姐!」

女乘客:「等候時間我無話唔出錢,我一路都無出聲㗎!司機!」

港女
涉事女乘客

後來陳生問「咁點啊?」女乘客則表示自己趕時間去開會,不過今次到陳生要求報警,並話:「我喺到等你!」

女乘客:「你而家Print返張單出嚟畀我先啊!」

陳生即刻嬲到爆咪:「你報警我就唔會Print單㗎喇,喺到等到警方嚟,OK?」

陳生之後再重申多次會等到警方嚟,而車Cam影片就結束。不過陳生喺Facebook同時都會上載到收據,見到落車時間係10:17,同車Cam影片結束時間10:16只差1分鐘,相信乘客最終無報警就落車了。

事件至今引嚟近120個回應,大部分網民都大鬧女乘客係港女,有人更指出重點「又話通又話塞車,講野一嚿嚿」,有人則戥司機唔抵,指花半個鐘只係收得八十幾蚊。

最新吃喝玩樂資訊