野餐好去處 識去一定去添馬公園!
野餐好去處 識去一定去添馬公園!

野餐好去處 識去一定去添馬公園!

香港人最愁就係土地問題,但係位處市區黃金地段嘅添馬公園就有一大片草地,坐得攤得連做瑜珈都得,唔搵埋朋友一齊嚟野餐吹水真係嘥晒,日落夜景一流,可以由朝玩到晚。添馬公園24小時免費開放予公眾,唔好嘥咗呢個咁珍貴嘅空間,趁呢幾日天氣咁好,搵埋一大班朋友去添馬公園啦!

撰文:cal|圖:新傳媒資料室、Instagram

添馬公園大草地任踩唔嬲 野餐之選

政府總部附近嘅添馬公園一直係熱門嘅野餐好去處。位於金鐘嘅添馬公園佔地17,000平方米,交通便捷,金鐘港鐵站一出,過條天橋就到,喺咁擠迫繁忙嘅金鐘竟然有咁大片草地,仲有無敵海景,簡直就係城市中的綠洲。平時公園嘅草地出晒名只作觀賞用途,但添馬公園喺正政府總部隔籬,仲有行政長官辦公室同立法會綜合大樓,草地都可以任踩唔嬲,大家要好好利用呢片草地先得,除咗野餐,大家仲諗唔諗到可以做啲咩呢?

 

添馬公園
添馬公園景觀開揚,環境舒適,可以坐足一日。
添馬公園
大片草地分為多個小區域,就算人多都唔會好擠迫。
添馬公園
如果嫌野餐太靜態,喺草地做吓伸展運動都唔錯。(圖:[email protected]
添馬公園
莫講話野餐,喺草地紮營都得呀。(圖:[email protected])

華燈初上 日落夜景一流

去到添馬公園唔好坐一陣就走,行出少少就係中環海濱長廊,呢度嘅日落夜景都好靚㗎,享受吓徐徐海風,只要有三五知己一齊,由朝坐到晚都冇問題。添馬公園內有幾張雲石櫈,有聰明嘅網民發現就一就角度就可以拍出「天空之鏡」嘅效果,反轉晒嘅倒影非常清晰,同正宗嘅「天空之鏡」幾可亂真,小編覺得夜景嘅效果比日景更佳,建議等到夜晚先影。

有網民C Chow就拍左一段添馬公園日落靚景Time Lapse,拍出了添馬公園海景嘅魅力。

添馬公園平面圖。(圖:康文署)

添馬公園
地址:金鐘夏慤道(顯示地圖
開放時間:24小時開放
交通:乘搭港鐵至金鐘站,由A出口步行約5分鐘即達
查詢電話:2520 2321

 

鄰近洗手間一覽:

添馬公園環境咁正,呢幾日可能會吸引到大量市民前去野餐,逼爆草地!所以大家都要留意番鄰近洗手間及加水地點,方便補給!

中華基督教會公理堂

大有商場

德業大廈

恒隆中心

香港JW萬豪酒店

皇室堡

循道衛理香港堂

海富中心商場

太古廣場1座

太古廣場 Pacific Place

免費免廢加水站:

警察總部警政大樓12樓 牌照事務課
夏愨花園
統一中心6樓 香港大學專業進修學院
統一中心8樓 香港城巿大學專業進修學院
海富中心 大家樂
海富中心 KFC
海富中心 麥當勞
海富中心3樓 香港大學專業進修學院

 

最新吃喝玩樂資訊