直斥餐廳店員「死老豆咁嘅樣」野蠻客被經理一句K.O.稱要投訴 | 網絡熱話
直斥餐廳店員「死老豆咁嘅樣」野蠻客被經理一句K.O.稱要投訴 | 網絡熱話

直斥餐廳店員「死老豆咁嘅樣」野蠻客被經理一句K.O.稱要投訴 | 網絡熱話

今時今日做服務性行業壓力真係好大,唔單止要應付日常業務運作,仲要「服務」顧客。最近有位網民投稿至「西客之道 Hispitality Secret」Facebook專頁,分享有次去連鎖食肆排隊落單時,恰巧見到一對父母帶埋個仔,喺收銀處擾攘勁耐,仲要破口大罵員工,好彩有個EQ高嘅經理幫手解圍。

編輯:Evita | 圖片來源:新傳媒圖片庫、劇照 |撰文:Pi

野蠻客直斥餐廳店員「死老豆咁嘅樣」

有網民投稿至Facebook專頁,指自己有日同朋友去連鎖食店排隊落單期間,前面有一家三口(1對父母+1個仔仔)打算食火鍋,點知搞足勁耐,仲要鬧爆收銀員添。

男客人:「要兩個牛肉鍋。」

職員:「我哋有芝士竹輪鍋同相樸鍋,兩款都有牛肉,你想要邊款?」

男客人:「是但啦,牛肉鍋就牛肉鍋啦我理得你有邊款。」

如是者,職員幫呢家人落咗兩個芝士竹輪鍋。不過食火鍋唔係揀完就算,仲要揀埋湯底、配料同飲品㗎嘛。

店員如常地問要咩湯底同粉麵,但係呢家人不停開「家庭會議」討論,連排後面嘅客人都等到唔耐煩,忍唔住出聲叫「諗好先買啦!」隨後店員又再問要飲咩飲品。

男客人:「你問問問,問咁多問題,我要牛肉鍋你落個鍋咪得,問咩啫!」

店員:「其實落埋飲品就可以,請問你想飲咩?」

仔仔:「我要飲汽水。」

女客人:「你唔飲得啊!」

店員再次追問時,男客人就向店員大罵粗口:「你好X趕時間啊,又要問又要催!」

網民表示後來餐廳經理行嚟,男客人就指住店員投訴:「佢死老豆啊,X口X面。」不過經理表示後面好多人等梗,希望客人可以落埋飲品。

男客人對太太講:「你睇下咩態度,點做經理,成間公司個個都死老豆咁嘅樣!」

經理回應:「先生,我同我同事嘅爸爸仲在生,我哋唔知咩係死老豆咁嘅樣,唔知可以點幫你,麻煩你去後面等叫號碼!」

男客人:「你叫咩名,我要投訴你,我依家唔X食喇,食唔X落呀!」

此時經理聽到並回應:「無問題啊,退返$140畀你,仲有我姓黃嘅,多謝你嘅意見,拜拜!」

劇照
劇照

有唔少嘅網民都大讚經理EQ高,亦都有網民覺得呢對父母帶埋個仔,連番粗口大鬧,根本就係一個活脫脫嘅壞榜樣。所以話,今時今日做服務性行業真係連屋企人都要被詛咒,食個飯啫,大家放鬆啲唔好咩?

最新吃喝玩樂資訊