KOL
KOL

內地KOL響應環保執垃圾反被鬧?公園管理員公開真相 網民大怒:非常無恥!|網絡熱話

熱話

廣告

KOL越嚟越多,要得到關注絕對要花啲心思。內地一個網紅就貼出兩張清潔公園嘅相,呼籲網民一齊保護環境,以提高個人知名度同粉絲量。點知事隔無耐就被人踢爆一切都係造假嘅,佢嘅行為唔單止無保護環境,仲嚴重破壞環境,增加左清潔人員嘅工作量!事件揭發後,當事人即時回應,指自己其實另有苦心,之後就急急刪除左個人嘅微博帳戶喇!

撰文:Bianca.L|圖片:微博

KOL為呃Like甘做垃圾蟲

KOL呢個新興嘅行業,短短幾年間已經迅速泛濫,要脫穎而出都真係要費盡心思,另闢新徑。內地一個網絡主播鄭家宜日前就上載咗兩幅喺公園清理垃圾嘅圖片,以「和家宜醬一起保護環境,6月5日世界環境日走起 」為題發文,指當日係世界環境日,鼓勵網民一齊保護環境。

網紅
鄭家宜原為大陸一位KOL。(圖片來源:微博)

其中一張相入面,滿地都係膠樽、紙箱等垃圾,而一名身著白色衫嘅女仔就拎住掃把等等嘅工具,望落似準備進行清理。至於另一張相入面,滿地垃圾已被清理,並裝好入編織袋。網民見到圖文並茂,都紛紛表示稱讚同支持。

(圖片來源:微博)
本來想推廣保護環境,點知有反效果!(圖片來源:微博)

點知相片得到大量轉發,最後引嚟公園管理處人員留言:

「我們是公園管理處的,昨天中午拍的吧,你這兩張照片怎麼拍出來的你自己不知道嗎?」

鄭家宜就回應:

「是呀,公益嘛,就是不說只做!加油喔!」

(圖片來源:微博)
公園管理處人員即刻反問佢點樣影呢兩張相。(圖片來源:微博)

原來,管理處嘅回應另有乾坤。管理處後來公開閉路電視畫面,鄭家宜清理垃圾當日,係率先影左張地上一片乾淨嘅相,當係「清理後」,再將同朋友帶黎嘅4大袋垃圾入公園內亂倒亂撒,聲稱係「清理前」。前、後圖影完,幾位就遺留左嗰4袋垃圾喺公園,拂袖而去。

(圖片來源:微博)
鄭家宜先自備4袋垃圾。(圖片來源:微博)
(圖片來源:微博)
影完相之後將垃圾散落一地。(圖片來源:微博)
(圖片來源:微博)
倒完垃圾就再影一張相。(圖片來源:微博)
(圖片來源:微博)
最後無執走垃圾就走咗去!(圖片來源:微博)

真相廣傳後,網民即時倒戈斥責。鄭家宜就回應指:

「如果我們這種反向表達方式觸犯了法律,只要能讓更多人認識到環保的重要性。被罵被處理,我們也心甘情願。」

(圖片來源:微博)
最後佢自己返去清潔現場。(圖片來源:微博)

鄭家宜以感謝同誠懇嘅態度回應網民,網民當然唔收貨,一直大罵呢位 KOL 無恥,為咗逃避一眾網民,隨後刪除左個人嘅微博帳戶。

(圖片來源:微博)
網民都大鬧佢夠晒無恥!(圖片來源:微博)
(圖片來源:微博)
網民紛紛認為佢應該要被拘留罰款!(圖片來源:微博)
(圖片來源:微博)
為出位能夠做的事可多了~(圖片來源:微博)

撰文:Bianca.L|圖片:微博@姆们说