【放假去邊好】本地特色遊+慢活推介:大澳睇龍舟 夜晚睇浪漫夜景!
【放假去邊好】本地特色遊+慢活推介:大澳睇龍舟 夜晚睇浪漫夜景!

【放假去邊好】本地特色遊+慢活推介:大澳睇龍舟 夜晚睇浪漫夜景!

(Present by昂坪360)

返工咁辛苦,終於捱到星期五端午節紅日放假,難得星期五、六、日三日連假,喺屋企一家食糭過節都好悶姐!想搵啲嘢玩下?行程都幫你諗好埋,難得而家昂坪360及天際100香港觀景台聯乘推出咗優惠套票,可以用低至68折嘅價錢喺7日內以玩盡昂坪360及天際100,下午去大澳睇龍舟遊涌、享受大嶼山自然景觀,到夜晚欣賞維港美景!

而喺父親節當日去昂坪360,本地爸爸只要出示返香港身分證購買纜車飛,仲可以免費獲贈昂坪360禮品店價值港幣20元現金劵一張!於父親節及前一日上去天際100,每日首50名用指定特色相框同爸爸拍照,亦可免費獲贈軟雪糕一杯,比你一家甜蜜溫馨!
以下就有兩個行程小建議,總有一個啱你,等你可以計劃一下點樣善用今個假期!

計劃1:兩日一夜特色遊 體驗本地傳統+ 維港夜景

睇龍舟唔一定下下都要去沙田城門河!去大澳睇「遊涌」你又試過未?喺端午節當日鄉民會划著龍舟,而龍舟後面拖着載有神像嘅小艇「神艇」,巡遊各水道之間,祈求合家平安、驅除疾病。遊涌儀式過後,龍舟競渡就會正式開始。唔講唔知,原來「遊涌」仲係國家非物質文化遺產項目之一。

放假去邊

最好當然就之前做好功課,預先上網買昂坪360及天際100嘅套票。第一日大概下晝2點半出發,先坐昂坪纜車觀賞大嶼山自然風景、港珠澳大橋同暢遊昂坪市集,之後去大澳住番一晚。第二朝瞓夠之後,精神充沛去欣賞大澳端午龍舟遊涌活動。

 

放假去邊

睇完龍舟,玩完一日之後,夜晚6點左右去到天際100,俯瞰燦爛嘅維港夜景,同身邊嘅家人共度美好嘅晚上!

放假去邊

計劃2:週末一日慢活遊:投入大自然、尋找地道美食

如果唔想玩兩日咁耐,即日遊都一樣咁fit!喺周末瞓到自然醒之後,下午悠悠閒帶住屋企人一齊嚟搭昂坪纜車沿途欣賞自然風景。

之後可以去昂坪市集食個港式下午茶,再慢慢行去睇大佛、寶蓮寺,欣賞傳統文化,享受一下放假慢活嘅態度,感受初夏嘅活潑風光。

而喺父親節帶爸爸去昂坪360,仲可以享有父親節限定優惠!本地爸爸只要出示返香港身分證購買纜車飛,就可以免費獲贈昂坪360禮品店HK$20現金劵一張!

玩完成個晏晝,夜晚當然要接住就去天際100睇夜景!不過除咗欣賞夜景,千祈唔好唔記得欣賞埋嗰幅有28米長嘅巨型互動故事牆,同家人逐個細數100個有趣嘅香港故事。最後去Café 100 by The Ritz-Carlton, Hong Kong品嚐豐富晚餐,為一天假期畫上一個完美嘅句號!

68折優惠套票適用於昂坪360及天際100香港觀景台
日期:即日起至2019年12月15日
昂坪360網址:https://www.np360.com.hk/
訂票專頁:https://www.np360.com.hk/tc/ticketing/tickets-tours/tickets/NP360-sky100-Day-Night-Package

天際100香港觀景台網址:www.sky100.com.hk
訂票專頁:https://sky100.com.hk/ngong-ping-360-sky100-day-night/

最新吃喝玩樂資訊