減肥
減肥

減肥必食5種低碳水化合物零食推介 可以邊食邊瘦身!| 減肥貼士

時尚美容

廣告

好多人減肥時都會控制食量,有人更會認為節食就係最快嘅減肥方法。其實想減肥效果更快更佳,除咗做運動之外,就係減少攝取碳水化合物,接下來為大家介紹5種低碳水化合物零食,等大家口痕嘅時候可以食,更重要的是可以瘦身

編輯:Evita |圖片來源:新假期圖片庫 | 撰文:Pi

減肥必食5種低碳水化合物零食

由於高碳水化合物的零食中添加唔少糖分,對於健康同體重容易產生負面影響,大家應該透過富蛋白質同植物脂肪嘅零食去減少攝取飲食中的糖分,先可以有效控制體重,不過蛋白質同植物脂肪都係需要長時候消化嘅食物,所以要配合少量碳水化合物先係最有效嘅減肥方法。

杏仁:

杏仁含有豐富蛋白質同鈣質,仲有天然抗氧化成分,對身體有非常之好,除咗可以避免暴飲暴食外,仲可以增加身體所需養份,而且可以有效地減低膽固醇濃度,預防心臟病。杏仁亦有不飽和脂肪酸,而且含量非常少。 另外,杏仁嘅細胞壁仲會阻礙脂肪酶接觸脂肪,從而減少對脂肪的消化吸收。

堅果:

雖然堅果係低碳水化合物嘅零食,但係都係適可而止比較好,始終熱量唔少,超市有唔少以包裝販賣嘅堅果類食品,間唔中食一包就可以好幾個鐘都唔會肚餓。當然,由於堅果熱量較高,所以記得要做返適量運動啊!

烚雞蛋:

雞蛋裡面充滿大量蛋白質,亦有人類最缺乏嘅營養成份—膽鹼,其用處係可以保持大腦健康,建議大家可以一次過烚幾隻雞蛋,擺入雪櫃備用,當肚餓時就可以食啦。

莓果類:

莓果內充滿水份,纖維等營養物質,係成為低碳水化合物零食嘅唔錯選擇,除咗可以直接食用之外,仲可以做成果醬或者沙冰,完全可以解決想食甜品又怕肥嘅慾望。

牛油果:

牛油果含有超過75%不飽和脂肪,而且牛油果可以製作好多有營養嘅零食,例如係用牛油果整成牛油果醬,用嚟點食物或者加上吞拿魚同埋雞蛋做成沙律。飽肚之餘又健康,啱晒進行減肥計劃嘅你啊!

關鍵詞
減肥瘦身