手工燒賣棍打豬肉做餡 豪氣事頭婆 中環開鐵皮檔賣懷舊小吃|區區搵食
手工燒賣棍打豬肉做餡 豪氣事頭婆 中環開鐵皮檔賣懷舊小吃|區區搵食

手工燒賣棍打豬肉做餡 豪氣事頭婆 中環開鐵皮檔賣懷舊小吃|區區搵食

中環前必列啫士街旁的城皇街階梯上,有一間像鐵皮屋的綠色小食店。門外的小平地上,放了張康樂棋枱,還有幾張木枱木凳,為這小城斜路階梯平添幾分悠閒,再看真一點,原來這是家懷舊小吃店,賣的就是老闆娘的兒時小吃,其中棍打豬肉燒賣,正是其招牌!

採訪:譚偉健 拍攝:Meck

70後傳奇事頭婆 中上環半山賣懷舊小吃

店前的木凳上,一個打扮趨時的女士,正在吃午飯。「今日食蝦膏蒸肉眼筋,你食唔食呀!食就舀碗白飯一齊啦!」她豪氣的說。 她是小食店的主人劉咏芝,洋名 GIGI,卻鍾意人叫她事頭婆。她是70 後,個性豪爽,開業才不到半年,已引來一班街坊熟客。

事頭婆精選/時價約 $48-$68 視乎事頭婆當日有乜食 乜,有時甚或是事頭婆自己 飯餸,採訪當日是鹹蛋蒸 肉餅及雜菜煮鮮蝦配 白飯。
事頭婆精選/時價約 $48-$68 視乎事頭婆當日有乜食 乜,有時甚或是事頭婆自己 飯餸,採訪當日是鹹蛋蒸 肉餅及雜菜煮鮮蝦配白飯。
小店位處中半山長 樓梯旁,有種悠閒 隱世的感覺。

事頭婆是地道香港妹,有段不平凡的過去。三歲父母離異,跟著母親四處搬家,讀過十三間中學,十四歲開始做飲食業,又做過打碟 DJ。結過婚,又離 過婚。曾經半身癱瘓,卻又神奇復原。 「 後來識咗而家末婚夫,佢係法國人,開髮型屋,我吼住佢隔籬間 CAFÉ 租約滿了,就租嚟做小食店。」她瞄一瞄鄰店,法國末婚夫正在門外望過來。

事頭婆知道要影 相,換走連身裙、試 過著旗袍,最後選了 這件黑色乾濕褸,愛 美個性表露無遺。

當店手打豬肉燒賣 「我要做舊陣時嘅燒賣味道。」

事頭婆開小食店,主力賣香港地道小食。碗仔翅、魚蛋豬皮蘿蔔、豬腸粉、豉油撈麵、 炸雞翼 ……還有自家製的燒賣。 「 出面啲燒賣,一嚿粉嚟嘅,邊度好食㗎。我睇唔過眼,我要做我哋舊陣時嘅味道。」她一早去結志街街市買豬肉及鯪魚肉,見馬蹄靚又買馬蹄,返嚟自己絞肉自已包。為了讓肉餡吃起來結實有彈性,她不但將肉餡撻過,還用保鮮紙包好,叫店員掄起兩支木棍來打。小鮮肉店員毫不客氣,棍下如雨,連環擊打這坨小鮮肉,直至把鮮肉餡打到稀爛起膠為止。

手剁豬肉做燒賣。

「 以前就我打嘅,好似火雞姐咁囉!而家交畀佢喇!三分二豬肉、三分一鯪魚肉,落啲肥豬肉,有時落少少馬蹄 粒,咁至爽口又夠味。」GIGI說。 打好的肉餡,用燒賣皮逐粒包好,放在蒸籠裡,隔水蒸熟。一打開,蒸氣和香氣一 同湧出,蘸一點豉油和辣椒油,一咬,燒賣像年輕小伙子的手臂,結實有勁,豬肉鮮味 流連在齒縫之間,偶爾吃到馬蹄粒的爽口,真好吃。

自家製鮮肉燒賣$18/3粒
鮮豬肉三分二、鮮鯪魚 肉三分一,絞爛雪過起 膠,用棍狂打,膠質盡出。
炒蝦米腸粉$23/3條
加蛋及秘製醬油炒,食辣可 免費加菜脯。
招牌洋葱豬扒包$38
用醬油加洋葱炒香豬扒,包烘脆, 香噴噴好吃。
店子裝修懷舊,長播七八九十年代金曲。
店內闢了一角,GIGI 用來作不同場景布置,之前 是屋邨主題,今天換了花樣年華 feel,歡迎客人 進內拍照及參觀。

老友記
地址:中環蘇豪華賢坊東17號地舖 ( PMQ 上,近城皇街 )
電話:6189 6898

最新吃喝玩樂資訊