火鍋撚
火鍋撚

中環、西環食乜好 大玩穿越尋秦記設計風 食材湯底+服務環境 媲美酒店級數

飲食

廣告

(Present by 火鍋撚)

香港人經常被美食包圍,對飲食有一定認識同要求,味蕾更進化到只要食物一入口,就能分辨出質素優劣。美食天堂雖然食肆眾多,但做到「食不厭精,膾不厭細。」的卻只有少數,而「火鍋撚」就以嚴選上乘食材、精細烹調手法、創意點心飲品、穿越古今元素同細心服務態度等,成為近年備受大家喜愛嘅養生火鍋聚腳地。

 

文火慢燉足料養生湯鍋

湯底係整個火鍋嘅精萃所在,呢度嘅養生湯鍋系列強調以文火慢燉幾個鐘,唔單止火喉十足,更達到溫補滋陰、祛濕解困嘅食療功效,包括鎮店推介「蜂巢豆腐白湯鍋」、自選辣度「祖傳秘製麻辣鍋」、開胃醒神「一品酸菜白肉鍋」、家人至愛「媽媽滋補老火湯鍋」、素食專用「素之滋潤湯鍋」,同埋西環旗盤店限定嘅「招牌胡椒豬肚雞鍋」!建議大家要趁熱飲一至兩碗湯先,再慢慢灼烚其他配料,等湯底慢慢吸收食材精華。

「招牌胡椒豬肚雞鍋」係西環店限定口味!特選三黃雞勝在肉質鮮嫩彈滑、皮脆脂薄骨軟。將整隻雞釀入豬肚裡面,再加入豬骨湯及秘製湯料煲煮而成。湯汁順滑如絲,既有豐盈雞豚肉香,又夾雜住少許藥材同胡椒辣香,溫潤滋補得嚟更有層次餘韻,仲有專人將豬肚雞剪成一口size畀你食。由於限量供應,想食就要提早預定啦!

 

養生鴛鴦鍋內兩款中式白紅湯底,分別係「蜂巢豆腐白湯鍋」同「祖傳秘製麻辣鍋」。白湯被喻為鎮店推介,含整條韓國人蔘、豬骨湯、雞湯、自家製蜂巢豆腐、忌廉牛奶、紅棗、杞子、黨蔘、白蔻、當歸等益氣補脾嘅食材。而紅湯就綜合咗幾十種食療藥材同四川香料,味道醇厚芬芳、麻香辛辣兼備,仲有台灣鴨血同自家製蜂巢豆腐等配料,係好辣人士同想祛濕解困人士必食嘅養生湯鍋!

 

環球搜羅精選肉類海鮮

「火鍋撚御用手切肥牛」係皇牌必食推介!每日精選本地新鮮靚牛肉,由師傅細心切成薄片,霜花分布均勻,肉質鮮嫩爽脆;還有日本A4特級霜降和牛、極品安格斯肥牛、特級牛脷托、骰子牛肉粒同鮮牛黃喉(限量),等你食勻全球優質靚牛!而呢度嘅頂級梅花豬肉、極品黑豚肉、酒糟五花肉,都係味之極品!海鮮仲有重量級沙巴龍躉斑、生猛蟶子皇,又有特級三文魚、原隻牡丹蝦、日本特級帆立貝、加拿大野生象拔蚌等刺身,同埋各類鮮活海產任你揀。

仙氣逼人嘅「火鍋撚御用手切肥牛」每片都油花均稱、牛肉味濃,為保持牛肉半生熟嘅最佳口感,仲會以小牌溫提大家只要灼8秒即可食用,避免過熟影響味道同口感。

 

「頂級梅花豬肉」嘅玫瑰花造型加上仙氣擺盤同樣叫人驚艷!嚴選肉質爽脆軟滑、肉味甘香油潤嘅本地優質新鮮梅花豬肉,經完全灼熟後入口竟有種瞬間溶化的可口感,不過大部分客人都會忍唔住相機食先。

 

約2斤重嘅「沙巴龍躉斑(原條)」,被喻為「斑王」!每片都呈均勻細薄嘅蝴蝶形狀,輕灼幾秒就可以入口,而且肉質仲要超級爽彈、鮮甜無比。

 

黃金流沙小食+創意手工點心

獨家「爆好味黃金系列」真係好邪惡,但真心好好食!咬落甘香脆口,流沙咸香惹味,計有七味黃金炸一口金磚豆腐、黃金雞皮同秘製黃金鮮魷等選擇。點心師傅仲幫手設計咗,幾款可以用嚟烚吓烚吓嘅手工點心,叫人烚出驚喜新高度。

「黃金椒鹽粟米」(左)以咸蛋黃流沙包裹住爽甜嘅粟米條,咸中有甜嘅變化頗為突出。「黃金蛋黃炸魚皮」(右)炸得薄脆又惹味香口,啲爆脆聲就算放咗入口食緊連隔離枱都聽到!

 

創意甜點「水晶奶皇飽」同大大粒「蟹籽燒賣皇」,賣相精緻,畀大家放湯烚嚟食。

 

穿越雞尾酒玩味十足(西環店獨有)

養生火鍋內提供雞尾酒,仲要以穿越概念包裝設計,相信全港只此一家!「火撚特製雞尾酒」系列有7款奇趣好玩,睇得、飲得又打(卡)得嘅酒精類特飲,想知箇中滋味就要親自嚟飲返杯啦!

(由左至右)「荽口荽面」以龍舌蘭酒、薑酒、檸檬汁、芫荽同Tabasco調製;「五花大綁」含伏特加、荔枝酒同五花茶;而「花雕那媽」就由咸亨雕皇、蘋果汁同青檸混調而成。

 

西環旗艦店+中環分店

「火鍋撚」現時喺港島區有兩家分店,分別係佔地5000幾呎嘅西環旗艦店,同埋喺蘭桂坊酒店對面嘅中環分店。兩者都以穿越秦朝作為設計裝潢主題,等大家置身其中好似突然變身尋秦記角色咁穿梭古今。而西環店更邀請到多位本地年輕藝術家,為每道牆身繪上唔同香港人文風情嘅塗鴉壁畫,大大增加話題性同本土特色。而家只要喺7:30pm 前離座結帳,或喺9:55pm 後入座,都可以享有全單85 折優惠,星期一至日都適用。

西環店有好多吸睛嘅香港特色塗鴉,好似呢幅結合咗猛虎同霓虹廣告嘅超霸氣牆身,就係全場最多人搶住打卡嘅背景。

 

西環店另一面牆身就有本地年輕插畫家嘅輕柔繪本,細心留意仲會發現低頭睇手機,但又順利穿梭雪糕筒同路障嘅男生,情景有點似曾相識。

 

西環店貴賓廳(左)同門口(右)都放有兵馬俑、石獅門環及木植等裝飾擺設。

 

西環店門口。

 

中環店走廊牆身繪有簡介「火鍋撚」名字由來嘅水墨畫。

 

中環店位於蘭桂坊酒店對面大廈二樓,非常好找。

 

火鍋撚典藝(西環店

地址:石塘咀皇后大道西554-560號日富里百好大廈地下1號舖(香港大學港鐵站B出口)

電話:2878 8001

網址:https://onondining.com/brand/hotpotland-sw

營業時間:星期一至日及公眾假期 5:30pm-3am

 

火鍋撚典華(中環店)

地址:中環雲咸街46-48號雲明行3樓(中環港鐵站G出口,蘭桂坊酒店對面)

電話:9363 8980( WhatsApp)

網址:https://onondining.com/brand/hotpotwonderland

營業時間:星期一至日及公眾假期 5:30pm-3am