尖沙咀食乜好
尖沙咀食乜好

尖沙咀食乜好 港式懷舊排檔風味 自家甜醬油養生雞煲+真材實料鴛鴦湯底火鍋

飲食

廣告

(Present by 尚上下夏 )

一講到食大家總係心多多,想同一時間可以食多啲唔同口味嘅菜式,因此主打港式懷舊排檔風味嘅「尚上下夏」,除咗提供人氣度爆燈嘅養生雞煲之外,仲有多款足料養生湯底火鍋,同埋創意手工食材,畀大家邊嘆靚湯美食邊調理身體。

香港大排檔獨有窩心人情味

「尚上下夏」只要大家一朗讀其名字時,自然會產生一種細細個玩唱遊碎碎唸時嘅親切感,滿載童年回憶。事實上整間舖面嘅設計裝潢,都採用咗大量八、九十年代嘅香港畫報印象元素去貫穿,好似手寫書法招牌、幾何圖案地磚、摺櫈同木枱。

尖沙咀食乜好

店舖布局全以港式排檔作為設計元素,令人倍添親切感。

 

養生雞煲最講究用料及火喉

雖然口味呢樣嘢每個人都各有喜好,但要數大部分香港人都竪指稱讚,而且食得開心過癮又舒服貼地嘅選擇,榜首一定非選擇多元化兼夠晒火喉嘅港式大排檔莫屬!養生雞煲係呢度嘅主打必食皇牌!客人可以選擇雞胸、雞髀、全隻同半隻等部位同份量;加上經驗豐富嘅大廚掌控火喉得宜,令到雞肉無論係啱啱炒熟送上,定係已經食到中段都依然咁嫩滑入味!加上混合咗老闆獨家研發嘅秘製醬料,令雞煲同時瀰漫住層次豐沛嘅四川麻辣香,以及偏甜惹味嘅廣東醬油香!另外仲特別加入爽腍、吸汁力佳嘅豬皮,同鮮爽清脆嘅洋葱嚟豐富口感,簡直好味到令人停唔到口呀!雞煲可同時揀選辣同唔辣嘅單鍋,方便照顧各人味蕾需要。食完雞煲後可加入自選湯底變身火鍋,繼續烚烚烚。

「雞煲鴛鴦鍋」雞肉嫩滑惹味!「美顏豆腐牛奶湯」加入多種牛奶同滑豆腐,奶味、荳味同樣香濃,而且滑不溜口!「惹味番茄湯」採用大量新鮮番茄煮成鮮茄膏,再加上湯烹調。當加入海鮮燙煮後,更變得猶如龍蝦湯般異常鮮甜味美!「自家製即炸響鈴」更係鬆脆香口到頂點!

 

美味足料有益養生老火鍋湯

「寧可食無菜,不可食無湯」,湯水對廣東人嚟講早已成為一種獨有嘅飲食文化!由於廣東地區屬沿海亞熱帶氣候,所以大家特別容易因燥熱上火,同時又會因為濕氣重而令身體唔舒服,呢個時候除咗飲涼茶之外,仲可以適當地以食療進補同祛濕!而一鍋薈萃所有新鮮優質食材營養風味嘅老火養生湯,就啱晒所有人飲用啦!呢度分別提供矜貴嘅瑤柱群翅雞湯、足料龍蝦湯、養生藥膳湯、美顏豆腐牛奶湯、惹味番茄湯、清香皮蛋莞茜湯、四川麻辣湯同香濃沙嗲湯,共8款口味湯底畀大家,全部天然無添加!負責人建議大家可先飲一、兩碗原汁足料無味精靚湯,潤喉暖身先。然後再加入其他食材灼食,到最後等湯底吸盡所有食材精華後再飲用,又係另一番難以形容嘅美味!

「海龍王拼盤」每日精選8款時令海鮮,好似採訪當日就有珊瑚蚌、蟶子皇、新鮮鮑魚、花膠桶、8吋虎蝦、帶子皇、桂花蚌同花甲皇,全部鮮味無窮兼啖啖肉。

 

尖沙咀食乜好

「牛魔王拼盤」精選6大靚牛部位,包括:靚牛皇、安格斯、牛柳粒、黑牛柏葉、牛白肉(牛胸)及牛脷托,一次過滿足晒牛迷嘅口腹之慾。

 

尖沙咀食乜好  港式懷舊排檔風味  自家甜醬油養生雞煲+真材實料鴛鴦湯底火鍋

「鬼馬墨魚」屬老闆又一得意創作!廣式油炸鬼上面鋪有手打墨魚滑同蟹籽,等你可以一次過試勻三種不同味道和口感。海鮮加油炸鬼吸收湯汁後,口感更加別樹一格。

 

尖沙咀食乜好  港式懷舊排檔風味  自家甜醬油養生雞煲+真材實料鴛鴦湯底火鍋

「手打香蕉墨魚丸」有齊墨魚丸嘅爽滑彈牙同埋香蕉嘅綿糯清甜,兩種看似完全唔相關嘅海鮮同水果,當放埋一齊時味道竟然係如此合拍,而且仲好受女生同一家大細歡迎㖭,係必食誠意推介!

 

尖沙咀食乜好  港式懷舊排檔風味  自家甜醬油養生雞煲+真材實料鴛鴦湯底火鍋

店內設計簡潔隨意,令人坐得非常舒服自在。

 

尖沙咀食乜好  港式懷舊排檔風味  自家甜醬油養生雞煲+真材實料鴛鴦湯底火鍋

店舖雖然位於食肆林立嘅山林道,但因食物口味有主題特色,所以每晚唔同時段都各有捧場客。

 

尚上下夏 養生雞煲火鍋

地址:尖沙咀山林道23號地下(佐敦港鐵站D出口)

電話:2470 2668

營業時間:星期二至四 6pm-2am

星期五至六 5:30pm-2am

星期日 5:30pm-1am

星期一 6pm-1am