西客
西客

西客一句激嬲接線生:點解唔聽電話?服務業就預咗無飯食㗎啦!|網絡熱話

熱話

廣告

西客經常講一個歪理:「你份糧包埋㗎!」究竟服務業的薪金包甚麼呢?就是被罵!被罵全家以至祖宗十八代連帶「三字經」,已是接聽客戶電話時習以為常的事了,隨著近年網絡上愈來愈多網民分享被「西客」罵的經驗,被罵的「款式」也愈來愈層出不窮,原來做「接電話」這份工,連食飯這個基本人權也不能享有的,真的爆趣!

西客:點解要食飯? 一句激嬲接線生

一位在政府部門負責接聽市民電話的網民,,講述被「西客」剥奪吃飯權利的經歷。話說事主所屬的部門,每天下午1時至2時是午飯時間,會暫停接聽電話,有一天午飯時間,查詢電話無間斷響過不停,直至2點,夠鐘開工,事主甫接起電話,已遭電話中的女人惡言相向

接線生:呢度係咩咩部門,有咩可以幫到你?

西客(好惡):係咪查詢電話?

接線生:係吖。

西客:咁點解頭先無人聽電話?

接線生:因為我哋辦工時間幾至幾,中間一點至兩點食飯時間。

西客:點解要食飯?服務業就預咗無飯食㗎啦!

接線生:因為食飯時間無人手聽電話。

西客:我唔理你地啦!你哋邊可以有食飯時間?

「你哋邊可以有食飯時間?」這句話,簡直就是可以入選「一句激怒人系列」,事主就話,明白好多人對香港政府好失望,不過公務員都是人,都是打工仔,都要吃飯的。

西客 事主甫接起電話,已遭電話中的女人惡言相向。
事主甫接起電話,已遭電話中的女人惡言相向。(圖片來源:TVB《愛回家之開心速遞》截圖)

電話線路不穩 客服無奈捱罵

政府客服受氣被罵,又怎會是「個別事件」呢?有另一位曾經在政府熱線工作的網民,就投稿講述另一宗被「西客」狂罵的事件。有一天,事主接聽一位市民的電話,傾談間電話突然斷線,幾分鐘後,該市民回撥電話,事主一接聽,就不斷被狂罵「做咩cut佢線」!

西客 家下邊個畀你cut線?
家下邊個畀你cut線?(圖片來源:TVB《愛回家之開心速遞》劇照)

事主解釋是線路問題,又給「西客」回罵為何部門的電話的網絡如此差劣,事主再解釋他們使用的是座枱電話,一般都有線路問題,然後,「西客」又拋出令人無言的一句:「你唔一早同我講!」

西客 西客經常有佢講無人講,錯咗又話人無講!
西客經常有佢講無人講,錯咗又話人無講!(圖片來源:《愛回家之開心速遞》劇照)

就在這一刻,事主不想再無止境反駁下去了,亦不想被「西客」投訴態度差,真的很無奈。

西客「收工大晒呀!」服務業就冇食飯放工權利?

很多網民都分享相似的經歷,原來在香港當客戶服務真的沒有食飯的權利!點解管理層無預人手頂食飯呢?有網民也指「任何人都覺得公司機構辦公時間係24小時」直斥打電話的西客一點同理心也沒有。

西客 西客一點同理心也沒有
西客一點同理心也沒有(圖片來源:《愛回家之開心速遞》劇照)

亦有人話「我都試過,以前份工輪更,個客要搵經理,我話經理收咗工,佢問我點解經理會收工,點解可以收工」看來香港人真係好鍾意返工,唔畀人收工!有網民也分享聽過最難聽的批評:「你哋做得服務業就預咗無飯食㗎啦!」痴線諗法!

西客 福井越前蟹
有西客直稱:「你哋做得服務業就預咗無飯食㗎啦!」(圖片來源:新傳媒資料庫)

有任職空中服務員的網民分享自己派餐後會站在廚房吃食,客人行過見到講句:「原來你哋都會食飯嘅!」,令他哭笑不得。

資料來源:FB@西客之道 Hispitality Secret

圖片來源:FB@西客之道 Hispitality Secret、TVB《不懂撒嬌的女人》劇照、TVB《愛回家之開心速遞》截圖