全港唯一榴槤米芝蓮推介 傳統原個即開＋新派冷熱鹹甜小食＋珍珠奶蓋
(Presented by 榴槤樂園)
幾位負責人都係榴槤愛好者，因覺得坊間好難搵到地方舒適又啱口味兼真材實料嘅榴槤（產品），加上認識朋友喺馬來西亞開榴槤果園，當中又有人愛入廚同設計等分擔唔同崗位，故此一拍即合決定開設榴槤專門店。
榴槤樂園 自置榴槤果園保質量
每年6至8月都係榴槤當造季節，呢個時候落果嘅貓山王、D24、XO等各個品種嘅榴槤，全部都果香馥郁、鮮甜多肉，叫人非常期待！「榴槤樂園」喺馬來西亞彭亨州自置果園，確保一年365日都有足夠數量，同埋新鮮頂級嘅榴槤供應。為咗保持榴槤最佳質感同營養，仲堅持要等榴槤喺樹上自行完熟，再請當地果農趁每晚凌晨3至5點落果期間收集，再以負100度氮氣技術急凍保鮮，空運到港繼續保存，可謂不惜時間工本。
樹上熟成落果
榴槤樂園負責人表示：「馬、泰榴槤最大分別在於前者唔可以將未熟透嘅榴槤強行割下，再利用人為方法慢慢焗熟。假如一棵貓山王果樹每年自行落果300顆榴槤，但今年強行喺未熟時割走幾十顆，明年呢棵樹就會自行減產至200顆，好神奇！因應果樹品種、海拔土壤、日照氣候、種植技術同後期處理等因素影響，唔同地區出產嘅榴槤喺口感味道上都會有分別，而馬來西亞嘅出品多數都係有機種植，果香醇厚、果肉綿滑。」
同一榴槤竟有唔同味道？
不過一個銀仔有兩面…..負責人補充，就算同一個榴槤裏面的果肉，長期面向陽光生長嘅果肉，相比背向陽光生長嘅果肉，都會更加香甜幼滑，亦解釋咗點解客人有時食同一個榴槤，都會發現每粒果肉嘅味道同口感上嘅輕微變化。
不同時段食客趣聞
很多人會為咗貓山王、D24同XO，呢三大皇牌專程過嚟品嘗或買返屋企！更有唔少海外榴槤控，因太掛念呢種榴槤忘返嘅滋味，每次嚟香港一落機都會忍唔住，即刻放低行李坐車過嚟盡情享用，一止榴槤癮，就算未開門都樂意企喺門口等！好多獨行俠客仲會趁下午非繁忙時段，坐喺二樓點叫一至兩款原個即開頂級榴槤，同其他榴槤小食和飲品慢慢嘆！對榴槤控嚟講，唔駛同人分享就住食又唔駛理身邊人感受，可以一人盡享滿枱榴槤，都係一種小確幸嚟嘅。至於三五知己或一家大細，通常都會喺夜晚時段或週末時段光顧。
由於榴槤有補血暖身功效，因此尤其適合女士、血虛寒底人士同老人家食用，坊間更有「一隻榴槤三隻雞」嘅講法。曾經有位老人家每個星期都來食一個原個榴槤，因為佢話食咗好瞓好多。
食榴槤送礦泉水
店員仲會為食即開原個榴槤嘅客人貼心贈送礦泉水。「除咗方便客人食完第一款榴槤後，清新味蕾同嗅覺，好好品味下一款榴槤嘅獨特香氣同味道之外，更重要係等佢哋食咗咁多高纖維後，飲返多D含豐富礦物質嘅水，暢通腸胃、平衡身體。」負責人解釋。店內嘅榴槤果蓉，全部用甘香軟糯嘅貓山王，同鮮甜綿密嘅D24打成，以增加風味質感，仲會因應各款鹹點小食同飲品嘅特色而調教果蓉比例，認真細心。
而家只要繳付$100就可以成為會員，喺入會當日享有全單8折，同埋全年9折優惠；而生日月份更會有特別優惠㖭，仲可以參加榴槤甜品烹飪班。由於太受本地同海外榴槤控歡迎，佢哋正計劃發展特許經營，大家記得稍後留意「榴槤樂園」喺其他地區嘅蹤影啦！
