眨眼
眨眼

IG大熱眨眼遊戲 眨到眼抽筋 附遊戲攻略!|網絡熱話

熱話

廣告

IG又有新嘢玩,繼大熱童顏濾鏡之後,今次有眨眼遊戲。有外國IG用戶製作了一個Filter AR小遊戲濾鏡「Flying Face」,玩法同Flappy Bird差唔多,不過玩家要以眨眼代替手指控制雀仔飛行高低,非常搞笑,連Sa(蔡卓妍)都話玩到就嚟眼抽筋。不過有網友分享遊戲攻略,駛出「掩眼法」就唔駛眨到眼都盲,輕鬆過管!

撰文:Si | 圖片:Instagram

眨眼遊戲Flying Face點樣玩?

眨眼遊戲Flying Face同Flappy Bird玩法差唔多,不過唔係用手指控制雀仔飛行嘅高低,而係不斷眨眼,每眨一下眼睛,小鳥就會向上跳一下,從上下兩支水管中間穿過,撞到水管就輸嚕。遊戲最多可以二人對戰。大細路阿Sa都忍唔住邊整頭髮邊玩,話呢個眼部運動玩到眼抽筋。

眨眼
圖片來源:張韶涵IG@angela_zhangshaohan

 

眨眼之嘛,聽落好似好簡單,但係要控制眨眼節奏其實好難,好多人都表示玩到眼抽筋,「眨到眼睛都不是自己的了」,仲要顧住儀態,避免玩得太入神而出現騎呢樣。不過有聰明嘅網友發現,唔想眨到眼盲,可以駛出「掩眼法」瞞天過管,就係用手指遮住對眼再移開,就有眨眼效果,或者搵朋友張大頭照嚟頂檔,再對手指遮住張相,不過似乎仲麻煩喎,而且動作超騎呢,返工搭車咁玩法,分分鐘嚇親隔籬位。

眨眼
有網友發明「鉸剪手」遮眼瞞天過管。(圖片來源:Dcard討論區)
眨眼
(圖片來源:Dcard討論區)

眨眼遊戲Flying Face如何取得?

這款濾鏡遊戲不是 Instagram 官方推出,不能直接從限時動態的濾鏡內找到,但有幾個方法可以取得這個遊戲。如果看到追蹤的朋友玩這個遊戲,只須點擊畫面左上角的濾鏡名稱「FLYING FACE 創作者:dvoshansky」,就可以開始玩。

眨眼
圖片來源:駱胤鳴IG@lokming15

如果見唔到有朋友玩,可以搜尋創作者IG「dvoshansky」,從精選動態中的「FILTERS」找到這款濾鏡,點選下面的「試用 FLYING FACE 」;或者直接追蹤原創者IG,就可以喺自己嘅限時動態中搵到呢個濾鏡遊戲。

眨眼
進入原創者IG頁面,點選限時動態FILTERS