觀塘食乜好  食肉獸至愛+家長傾到偈+小朋友放電 要Save低嘅超值自助餐
觀塘食乜好  食肉獸至愛+家長傾到偈+小朋友放電 要Save低嘅超值自助餐

觀塘食乜好 食肉獸至愛+家長傾到偈+小朋友放電 要Save低嘅超值自助餐

(Present by魔膳廚房 )

鄰近觀塘港鐵出口嘅「魔膳廚房」,近日因應食客要求將晚市由以往嘅西式套餐轉咗做自助餐,結果大受歡迎!而家每逢週末同紅日,更加係一枱難求!上星期 Dining娜就趁餐廳啱啱推出全新優惠時,走咗上去睇吓佢哋嘅自助餐到底有咩過人之處!

觀塘食乜好

餐廳位於大廈2樓,空間闊落坐得舒服。

即日海鮮拼盤」:新優惠人人有份

而家幫襯每枱都會免費送返一個用龍蝦汁煮嘅「即日海鮮拼盤」(份量按人數比例而定),每份約有5至6款,種類視乎當日貨源而定,所有海鮮會按季節時令喺海外同本地入貨,每日仲有專人去魚檔揀料,保證係即日鮮。

自助餐

當日嘅「龍蝦汁海鮮盛宴」(4人份)就有鮑魚、青口、蝦、魷魚、蜆、花螺同北寄貝,汁香味鮮!

自助餐

當日啲海鮮未煮熟前,仲喺水裡面不停郁動同噴水,果然好生猛!

「牛魔王盛宴」:食足5大部位

晚市自助餐有兩大必食皇牌,包括集齊牛肋骨、牛仔骨、牛柳、牛仔粒同埋牛舌,唔同部位嘅「牛魔王盛宴」,絕對係牛迷至愛!其中牛肋骨係必食推介,選用美國最高級別嘅PRIME安格斯牛,因為本身牛味濃郁、肉質嫩滑,所以只用黒椒、海鹽同香草簡單醃吓,就可以放入真空袋用45度慢煮3個鐘,上碟時肉香與油香四溢,入口更加係細嫩無筋,所以一出好快就俾大家夾走晒!牛仔骨同樣選用美國PRIME安格斯牛,只不過切法唔一樣,同埋用咗黑椒調味。至於原條牛柳就夠晒入味多汁;厚切牛舌飽滿細緻;而牛仔粒就係小朋友至愛!

自助餐

「牛魔王盛宴」一次過可以食勻牛肋骨、牛仔骨、牛柳、牛仔粒同牛舌,5大部位同食法,牛氣沖天,係全場最受歡迎嘅美食!

牛肋骨選用美國最高級PRIME安格斯牛,平日單點要$488,每條約1kg重,配合慢煮令肉質變得鮮嫩多汁。

「豬羅紀公園」:肉魅逼人

假如你無豬不歡,一定會為另一道皇牌「豬羅紀公園」著迷!一整盤有齊原隻德國豬手、惹味燒豬肋骨、春雞同德國腸。德國豬手做到皮脆甘香肉質鮮嫩,獨有嘅胡椒咸香愈食愈有後勁。而豬肋骨則用傳統焗製手法去保持肉質細嫩,即使小朋友同老人家都可以輕鬆食到最嫩滑嘅骨邊肉部位。咪住!點解會有慢煮春雞嘅呢?原來負責人話春雞係代表翼龍,真係好有童心同創意,可以等小朋友邊食邊發揮想力創作故仔,好開心! 加埋啖啖肉嘅豬肉腸,真係大滿足呀!

「豬羅紀公園」同樣係食肉獸至愛招牌菜之一!

德國咸豬手味道正宗,平日單點要$188,而家晚市自助餐任食真係好抵!

為方便大家夾食,豬肋骨焗好後喺上菜前會先被切成條狀。

酸菜魚係今期推介嘅特色中菜,依照廣州名廚烹調手法,減辣減酸並加入秘製香料增加風味,好味到連湯都飲埋。

同場仲可以任食多款沙律、熱葷、小食同甜品,尤其甜品區可以DIY棉花糖、熱辣辣焦糖爆谷,同任溝大熱台灣芋圓!小朋友仲有小禮物抽獎㖭!而家幫襯更可享高達6折優惠,加上任食4小時,唔怪得成日都滿座啦!

新鮮沙律吧除咗數款特色沙律外,仲有芝士拼盤、意大利火腿、鮮製蝦片同蒜蓉飽。

多款熱葷美食同樣各有風味特色,其中包括庶蝦、糯米雞翼等香口小食嘅「魔膳小食拼盤」,就好受大人同小朋友歡迎啦!

甜品區有10幾款精美甜品,又可以DIY棉花糖、熱辣辣焦糖爆谷,同大熱台灣芋圓,所以成日見到人龍。

餐廳佈置非常用心,每個角落都有創作繪畫及裝飾。

餐廳門口佈置成花園一樣,頗有魔幻感覺。

魔膳廚房

地址:觀塘開源道77號業發大廈一期2樓D室
電話:3955 1460/ 3955 1461/ 6319 2511

備註:自助晚餐供應時間:6pm – 10pm

價目:星期一至四,成人$238*,小童(身高91- 130cm) $138*

星期五至日及公眾假期及公眾假期前夕 成人$268*,小童(身高91- 130cm) $168*

小童(身高90cm 以下) 免費

* 須另加一服務費

最新吃喝玩樂資訊