【周遊關西】洋葱番外篇:壽司老闆故事被讚動人 周奕瑋感動發文答謝觀眾
【周遊關西】洋葱番外篇:壽司老闆故事被讚動人 周奕瑋感動發文答謝觀眾

【周遊關西】洋葱番外篇:壽司老闆故事被讚動人 周奕瑋感動發文答謝觀眾

周遊關西》播出一個星期有多,主持周奕瑋 (Jarivs) 每集都為觀眾介紹抵玩、抵食、抵買好地方。噚晚(22/5)播出嘅第7集,周奕瑋帶大家到大阪市食箱壽司,訪問期間老闆分享自己嘅故事令觀眾非常感動,紛紛喺周奕瑋嘅社交平台留言大讚,周奕瑋都忍唔住出Post,話大家搞到佢流眼淚啊!

撰文:關西旅行愛好者 |圖片:《周遊關西》截圖、周奕瑋Facebook

周奕瑋發文感謝觀眾

無綫旅遊節目《周遊關西》噚晚播出第7集,主持周奕瑋帶大家去到大阪市櫻川一家主要賣箱壽司嘅食店。食店創業至今已經114年,掌舵人一代接一代,而店舖位置亦曾經變動過,可謂一間有歷史亦有故事嘅店舖。

周奕瑋 周奕瑋

食店而家由第三代傳人,84歲小林利朗先生獨自打理,由烹調食物、門面清理到落單,都由小林先生一手包辦。喺閒談過程之中,周奕瑋問小林先生有無諗過想做壽司職人以外嘅職業,小林先生則表示細個想從事電影行業。

周奕瑋 周奕瑋

周奕瑋問得好 小林先生答得動人

小林先生又指,由於自己係長子,所以注定要繼承家業,因而放棄做電影工作嘅夢想。同時,小林先生為咗可以俾細佬妹做自己鍾意做嘅事,所以決定由佢自己守住百年老店。

周奕瑋

周奕瑋

一位84歲老人獨自打理食店就梗係辛苦,而小林先生堅持做落去嘅原因係源自客人鼓勵,所以小林先生認為有氣有力嘅時候,仍然要堅持落去。

周奕瑋 周奕瑋

周奕瑋
為咗打理壽司店,小林先生手指已彎曲到無痛楚。

小林先生堅持家業背後故事感動唔少觀眾,大部分觀眾亦去到周奕瑋嘅Facebook同Instagram留言,大讚「最正係呢集」,亦有人話小林先生嘅故事令人非常感動。

今日下午Jarvis將少量觀眾留言Post上Facebook,並寫道:

「這些文字、讓我知道自己沒做錯、沒走錯、只是做得還不夠多、不夠讓這能量在世界顯眼。」

「沒有人有必要為你花心思寫那麼多字,也沒有人有必要回應你傳開去的能量。」

最後亦加上Hashtag「朝早搞到我流眼淚你哋好毒」,可見網民留言觸動到Jarivs,不過最重點係,其實都係靠Jarvis同團隊努力先拍到令人感動嘅故事姐。

 

 

最新吃喝玩樂資訊