接力惠英紅找數 姜皓文笠紅色絲襪買咖啡 袁偉豪戴魚網黑絲歎珍珠奶茶

撰文：新假期｜圖片：Big Big Channel截圖

惠英紅找數 絲襪笠頭買麵包

昨日下午惠英紅於Facebook開直播，片中可見身穿粉藍色便服、拿着藍色絲襪的小紅姐於直播中說：「我萬晞華到咗一個地鐵站，依家就嚟找數，其實我萬晞華講嘢一定要算數嘅，如果唔係我點樣管治西九總區呢？」

手拿藍色絲襪的小紅姐面帶笑容下，更特別提到：「除咗我找數外，我記得當日記者會，姜皓文（黑仔）都有話過佢找數嘅，黑仔我正式Call你啦，睇你啦，我依家就入去找數啦 !」，之後就馬上爽快笠上絲襪！

雖然在場不少途人圍觀及用手機影相，但見慣大場面的小紅姐依然大方任人影。其後，小紅姐更笠住絲襪行到站內麵包店買麵包，而且還於站內行了一圈，過程相當大方！

最後，她說：「我覺得最緊要開心，如果可以將開心share出去幾好呀！」，兼再次點黑仔名叫對方找數：「我找咗數啦，姜皓文交個波畀你啦！」

姜皓文

「Madam Man」率先找數，被點名的姜皓文(黑仔) 昨晚隨即接棒，片中可見佢先在沙田一商場外笠上紅色絲襪變成「Condom」造型，不理旁人的奇異目光去到咖啡店買飲品！

當被問到會否覺得尷尬，黑仔大方表示男人大丈夫講得出一定找數，最重要係作品有好成績，以及大家開心！最後黑仔不忘點名劇中好拍檔袁偉豪：「下一個，輪到垶Sir袁偉豪！」

袁偉豪

今日下午，到「尚垶」袁偉豪(Ben)成為第三位《鐵探》找數演員！Ben透過網台開直播，親自到旺角女人街買絲襪。Ben本來選了一對鮮黃色絲襪，但最終都是買魚網絲襪！Ben搞笑表示：「魚網絲襪有窿方便陣間飲嘢。」

之後Ben就魚網絲襪笠上頭，大搖大擺在女人街巡遊！期間更引來不少市民及遊客觀望。最後Ben成功完成任務，買珍珠奶茶再隔住魚網絲襪飲，飲飲吓又幫市民簽名，玩得又親民！

Ben就點名《鐵探》另一女主角蔡思貝找數，唔知蔡思貝又會點樣完成任務？