P牌車主玩報復打橫泊車阻駛出 網民怒轟無品野蠻兼自私
P牌車主玩報復打橫泊車阻駛出 網民怒轟無品野蠻兼自私

P牌車主玩報復打橫泊車阻駛出 網民怒轟無品野蠻兼自私

一個人有無品,睇駕駛態度都會略知一二,近日FB上就出現咗一單P牌車主將自己部Honda打橫泊正事主㗎車正前方,阻礙事主出入的事件,導致事主4點等到11點,連工都返唔到,原因疑似是為咗報復事主上次唔泊過小小比P牌車主㗎BB車方便出入。而事主最終亦只能無奈放生P牌車主,引發網民熱烈討論。

撰文:GW|來源:[email protected]小心駕駛(討論別人駕駛態度)

事主表示自己喺屋苑停車場嘅月租車主,前一日泊好車後,翌日準備揸車外出時發現自己車位前有一架黑色Honda P牌車,打橫泊正自己部車前面,導致無法駛出,叫管理處幫手甚至報警都無用,事主更稱「自己工冇去返,堂冇得上,比佢白白浪費咗 7 個鐘嘅時間,但最後冇後果咁放生左條友!」

事主原文
事主原文
P牌Honda打橫泊

事主後來表示,該輛P牌Honda疑似是同屋苑住客的車,上次因P牌車主要求事主「泊過啲架車俾佢架 BB 車過」,但遭到事主拒絕,所以今次的行為是為了報復。

「閘」足5小時

事主總共報警求助3次,警察到場後卻指該停車場是私人地方,所以無計可施。事主亦尋求屋苑管理處幫助,管理處就表示要發出3封警告信後才可鎖車,所以無法即時協助。

兩車距離很近

事主就非常無奈的從4點等到11點,總共7小時,無法上班及上學。直到11時P牌車主才「施施然」現身,事主表明不追究責任,只要求道歉,P牌車主表現強硬,不認為自己有錯亦不打算將車泊回原位。最終由管理處多番勸告才將車駛走,但並無任何後果,令事主及網民氣憤。

呢種泊法擺明玩嘢

網民就留言大鬧P牌車主,仲提供了好多「方法」去治這種「惡霸」,例如「Call拖車」、「等放大假泊返佢前面」、「拎個2蚊銀簽個名」、「益力多倒窗邊條膠」等等,亦怒轟P牌仔「自私無品野蠻」、「態度差之餘仲極度自我,遲早出大事」等等。

管理處發出的警告信 並表示要3封才能跟進

最新吃喝玩樂資訊