咖啡
咖啡

日本咖啡店店主3個月瘦35KG!全因加呢種食物落咖啡 每日一杯輕鬆甩肉!附食譜!|食是食非

好生活百科

廣告

好多人都飲咖啡提神,但又落奶又落糖,上班族又食飽就坐,坐喺度又食,肥胖機會大大增加,飲得太多難免又會成為致肥兇手。而早前有一個減肥配方風靡歐美,原來係呢樣野配上咖啡?!

撰文:Pi|圖片:新假期資料庫、網上圖片|編輯:Evita

牛油咖啡減肥配方

其實本來飲齋啡的話熱量唔會太高,但係唔係每一個人都接受到齋啡苦味,所以會加砂糖或牛奶,從而令到整體熱量增加。而日本就有咖啡店推出牛油咖啡,以牛油代替牛奶,更聲稱可以減肥!而店主自己亦喺3個月內成功減走35公斤,想減肥的朋友可以試一下!

減肥
日本就有咖啡店推出牛油咖啡,以牛油代替牛奶。

日本牛油咖啡 做法公開!

1. 用咖啡豆沖出200-250毫升咖啡,然後倒入杯備用。

2. 加入10至15克優質牛油,例如無鹽牛油。

日本咖啡店店主3個月減35KG!全因加呢種食物落咖啡|好生活百科
咖啡中加入無鹽牛油。

3. 之後再加入10-15毫升含MCT(中鏈三酸甘油脂)油,例如椰子油,再用匙羹拌勻就完成。

貼士:

1. 建議用金屬濾網,因有效隔走抗氧化功效咖啡油。

2. 建議改用淺培咖啡,因為淺培咖啡含有更多抗氧化多酚,對減肥有幫助 。

再加入10-15毫升含MCT(中鏈三酸甘油脂)油。
再加入10-15毫升含MCT(中鏈三酸甘油脂)油。

 

 

 

日本咖啡店店主3個月減35KG!全因加呢種食物落咖啡|好生活百科

歐美流行 防彈咖啡

而喺牛油咖啡出現之前,其實歐美及生酮界都出現一種叫「防彈咖啡」(Bulletproof coffee),而防彈咖啡是源於美國矽谷工程師Dave Asprey於一次在西藏旅行中,當身體能量直線下降後,有位當地人畀佢飲過一杯酥油茶(yak-butter tea),後來Dave返到美國就開始嘗試研發類似嘅防彈咖啡,仲出咗書添!

美國矽谷工程師Dave Asprey
美國矽谷工程師Dave Asprey

Dave發現酥油茶可以令人保暖同提神,所以返到美國就將茶轉成咖啡,調整腸內益生菌數量,從而達致減肥效果。

西藏拉薩酥油茶
西藏拉薩酥油茶。

不過真係想成功達到減肥功效,唔可以單靠飲用牛油咖啡,而係要有健康飲食同適量運動。而且牛油咖啡唔可以長期飲用,始終會有增加心血管疾病嘅風險!