無良醫生懷疑重用針筒　巴基斯坦愛滋病疫情爆發

據法新社報道，唔少家長帶同子女檢查，調查重點為當地一名醫生懷疑用受污染嘅注射器幫150幾名患者進行注射而引起愛滋疫情爆發。拉爾卡納市警察局局長亦證實，「我們在接到衛生部門的投訴後逮捕了一名醫生，我們被告知，醫生也感染了艾滋病毒」有唔少醫生擔心醫療設備同人手不足，大批感染者或者未能得到應有治療。

省級衞生機構官員Sikandar Memon指出背後成因：「為了省錢，這些無良醫生會重用針筒，為多名病人注射。這或是愛滋病散播的主要原因。」而信德省議員Haleem Adil就指責省政府辦事不力，當地的愛滋病疫情一直被忽視，兒童的健康狀況亦不受重視。政府至今仲未搵到呢次愛滋病毒大規模傳染嘅原因，控制疫情最佳時機即將喪失。

有家長表示，對家座嘅打擊好大。疫情爆發，有家長擔心女兒發燒係同病毒有關，趕住帶仔女去做檢驗。有一位母親為確歲染病嘅1歲女兒四處去醫院尋找藥物。家長亦都十分擔心，沒有藥物可以治癒愛滋病，所有受感染嘅小朋友都會死去。一名4歲女童確診染病之後，母親傷心表示：「她可跟誰一起玩？當她長大後，誰會與她結婚」？

巴基斯坦本來唔係愛滋病肆虐嘅國家，但近年病例速迅增長。巴基斯坦全國攜帶愛滋病毒的人估計有十五萬，信德省就佔有其中百分之四十三嘅病人。聯合國官員表示巴基斯坦喺2017年新增2萬名患者。自2010年，巴基斯坦愛滋病的感染率上升咗百分之五十七，係亞太地區愛滋病疫情迅速發展嘅第二大國。而巴基斯坦確診的愛滋病例中大約有四萬三千人是女性。