旺角古代甜品店 麻雀椰汁糕+免費著古裝服拍照|區區搵食
旺角古代甜品店 麻雀椰汁糕+免費著古裝服拍照|區區搵食

旺角古代甜品店 麻雀椰汁糕+免費著古裝服拍照|區區搵食

旺角一向是潮流集中地,特色的餐廳雲集,最近旺角新開一間樓上甜品店雲來客棧,以客棧為主題,裝修內外都大玩古代元素,好像穿越時空一樣,場內更免費提供古裝服,供食客打卡,店員更打扮成小二招呼你,勁過癮!食物方面,同樣創新十足,可以吃得的麻雀,象棋,像真度極高,今個週末一齊穿越時空,重遊故地啦!

撰文:Sakura 攝影:Tony

旺角甜品店 食得又玩得的麻雀+象棋

旺角新開樓上甜品店雲來客棧,由一班年青人經營,大玩懷舊古代裝修,場內更免費提供古裝服飾,供食客打卡cosplay,店員更打扮成小二招呼你,勁過癮!甜品方面,亦搞搞新意思,打麻雀就玩得多,象棋亦捉得多,但食得的你又試過未呢?師傅會逐隻畫上圖案,再配合主題,以麻雀枱或象棋盤一同呈上,像真度極高,食落爽甜。

麻雀椰汁糕$88
師傅誠意之作,像真度極高,椰汁味香濃,食落爽甜。
象棋牛奶凍$88
師傅另一誠意之作,比起麻雀的圖案,象棋線條更多,每粒都畫上筆畫略多的文字,又花時間又考功夫,靚到完全不捨得食落肚!牛奶味濃郁,好滑,是款食得又玩得的創意小吃。
芒果燒賣班戟$42
跟平時食到的班戟不同,師傅會將班戟製成燒賣外皮,再放上芒果粒和忌廉在中間,成為一款甜食版的燒賣!食落芒果味不會太甜,夾著忌廉香,甜度剛好。
芝士奶蓋甘露$48
楊枝甘露加上芝士奶蓋,味道清甜之餘又帶點芝士香,再配上芒果雪糕球,很甜!
即撞木桶豆腐花$38
豆腐花好軟滑,入口滑唧唧,再灑上黃糖,更加香甜!
榴槤奶45
榴槤迷必試!用上酒瓶裝上榴槤奶,飲落勁濃厚榴槤味,很正!

除了甜品,同場都有一些鹹點小吃,如招牌芝士無骨雞翼和花雕雞翼都不錯,芝士無骨雞翼食得方便,又充滿濃郁芝士香,惹味!另一款花雕雞翼,花雕酒味重,雞肉嫩滑。

芝士無骨雞翼$38
懶人最愛!芝士味濃郁,雞肉嫩口,啖啖肉。
花雕雞翼$36
雞翼富花雕酒香味,雞翼很入味,肉身口感嫩滑,不錯!
店員會打扮成「小二」招呼你,勁搞笑!
場內免費提供多款古裝服,供食客打卡!

雲來客棧
地址:旺角彌敦道726號11樓(顯示地圖
電話:5620 5597
營業時間:12:00nn-12:00pm

最新吃喝玩樂資訊