【反擊西客】OL茶記食30蚊比金牛找散 伙記去銀行排隊「唱」足一粒鐘
【反擊西客】OL茶記食30蚊比金牛找散 伙記去銀行排隊「唱」足一粒鐘

【反擊西客】OL茶記食30蚊比金牛找散 伙記去銀行排隊「唱」足一粒鐘

香港不少店舖都講明不收大紙(500或1000),一來怕假鈔,二來怕難找錢,近日在西客之道上就指有一名OL在茶餐廳食嘢時只用$30元,而且明明有散紙卻要用$1000蚊紙結帳順便找散,儘管茶記收銀指唔夠錢找,OL仍堅持要用$1000紙結帳,最終伙記出去銀行唱散紙唱足一個鐘,令OL崩潰「我返工遲到,我比散紙你埋單啦!」

撰文:GW|來源:西客之道、新傳媒資料庫

投稿者表示其工作的茶餐廳只是平民餐廳,$500元或者都找得開,但晨早流流$1000蚊紙根本無可能夠$100蚊紙找,OL又唔肯收$10同$20蚊紙,就決定同西客鬥西,叫伙記去銀行慢慢唱錢,由佢等足一個鐘。

明明有散紙卻在早晨時段為難伙記 伙記便以「西客之道」反擊

投稿者原文

希望咁多位貴客要知道舖頭係冇義務去幫各位打散你地啲大紙,一個係咁兩個咁,個個都係咁…係咪各位搞錯左啲咩呢?

我地係一間都幾平民嘅餐廳,即係一個早餐30蚊都有交易嗰啲,唔好話500蚊紙啦,100蚊紙都好少見,朝早就塞張大紙過嚟,500蚊都叫有可能找得開,1000蚊紙找乜嘢呀?

某一日朝嘅9點幾,OL女一名拎住張1000紙嚟埋佢30幾蚊嘅單,我即時反白眼!

最新吃喝玩樂資訊