山坡曬衫搵命搏 爬幾層樓險象環生
山坡曬衫搵命搏 爬幾層樓險象環生

山坡曬衫搵命搏 爬幾層樓險象環生

如果為咗曬衫,唔知大家可以去到幾盡呢?近日就有節目發現有居民冒著生命危險,踩住鐵絲網,仲爬上四、五樓層樓咁高嘅山坡曬衫。場面真係非常驚險,仲睇到一班街坊心驚驚。而近日天氣開始晴朗轉熱,有充足陽光,所以都有唔少人開始將冬天嘅棉被同衣物一次過拎晒出嚟曬太陽,除蟎後就方便保存啦。但係為咗曬衫爬上山坡,山坡仲要凸凹不平,一唔小心差錯腳隨時重傷,得不償失!
撰文:GW|來源: 相關機構

工地附近曬衫 曬完仲污糟咗?

而其實都有唔少網民同居民指出附近有工程進行緊,距離曬衫山坡只有約50米距離。工程揚起嘅塵土隨時將洗完嘅衫變返污糟。不過似乎班街坊都少理,只要件衫乾到就得。

為咗曬衫爬上山坡
居民都表示其實如果太陽曬唔到個單位,香港天氣又潮濕,結果就係成屋都焗到好潮濕,仲可能搞到發霉,件衫又乾唔到。而屋邨配套又唔足夠,咁大個屋邨只係得一兩個泊車位咁大嘅地方畀人曬衫。

附近有工程進行緊
山坡鋪滿衣服

最新吃喝玩樂資訊