減肥
減肥

韓國200磅女子減肥20年無效 攝製隊跟拍一日發現驚人真相 | 網絡熱話

熱話

廣告

好多減肥嘅人都試過節食,但係即使唔食嘢都好似都無輕到,誇張啲講飲杯水都會肥,而韓國就有一個女仔減肥減咗20年一直都係瘦唔到,甚至搞到要同老公離婚收場。佢自稱自己飲水都會肥,韓國攝製隊唔信邪,用24小時拍底咗佢嘅一日,最後發現原因原來係……

編輯:Evita | 圖片來源:《Let美人 4》|撰文:Pi

韓國女子減肥20年不果

韓國真人騷節目《Let美人4》請嚟36歲女子金世恩,重94公斤 (約207磅)。佢自稱20年嚟試過好多減肥方法,但係點都唔成功,老公仲要因為咁而決定離婚。於是製作組喺佢屋企設置多個鏡頭,影低金世恩24小時生活。

金世恩早餐係麥皮同埋脫脂奶,睇落兩樣野係好健康,不過原來佢唔係淨係食一碗,而係一碗接一碗咁食,最後食咗270克麥皮加1000毫升奶,過咗無耐又食5個蕃薯同埋約300克堅果,單單淨係早餐已經吸收咗3,902個卡路里!

到咗午餐,金世恩同同事去食飯,驚人到一次過食9隻雞蛋同3種減肥朱古力,計返條數全日已經吸收5,843卡路里,比起正常女仔建議嘅每日吸收2,000卡路里超出差唔多兩倍,唔怪得佢減唔到肥啦!

於是製作團隊請咗專業營養師同埋訓練團隊,幫金世恩度身訂做一份減肥餐單,又透過縮胸手術抽走部分脂肪。喺監督之下,一個月內由94公斤減到72公斤,最後成個人都自信晒!

關鍵詞
減肥韓國