準新郎
準新郎

準新郎大鬧婚紗店不設租借皮鞋!店家主動比折頭 最後新郎一個舉動令人超尷尬|網絡熱話

熱話

廣告

結婚是喜事,準新郎新娘都希望可以同另一半開開心心咁籌備婚禮。不過有經驗人士都知道,如果想正常搞婚禮 (撇除旅行結婚或者唔擺酒),中間一定會遇到好多麻煩事,有時甚至會搞到不歡而散。有做婚紗店職員嘅網民就投稿至「西客之道Hispitality Secret」Facebook專頁,指返工時遇到一對無理取鬧嘅準新人,新郎哥仲要搞到奪門而出,究竟咩事呢?

撰文:Evita|圖片:西客之道 Hispitality Secret Facebook、劇照、Pexels

準新郎大鬧婚紗店

有一名喺婚紗店返工嘅網民分享,有日有一對準新人去舖頭詢問租衫套餐。

網民:「最多新人揀呢個Package﹐$6xxx有5套,我哋包改衫包基本配件﹐除咗女士girdle內衣同男士恤衫唔包﹐另外所有鞋襪因為衛生問題都唔包。」

而新郎哥就話:「人哋隔離六千幾有7套。」

然後網民表示每間公司收費都唔同,建議佢哋揀隔離舖頭,不過亦都主動話畀9折呢對新人。

有日有一對準新人去舖頭詢問租衫套餐。(圖片來源:TVB《愛回家之開心速遞》截圖)
有日有一對準新人去舖頭詢問租衫套餐。(圖片來源:TVB《愛回家之開心速遞》截圖)

後來新郎又再問多次套餐有咩包同有咩唔包,網民亦由頭再講多次,更重點表明唔包鞋襪。」

新郎:「我會有套白色禮服喎﹐到時我唔會買對白色鞋喎。」

網民:「唔好意思先生﹐因為我哋唔包鞋襪﹐或者你會唔會轉銀色或絲絨配黑褲?相信黑色皮鞋你應該會有。」

新郎:「咁我註冊想要白色﹐我無白色鞋你地包唔包畀我啊?」

網民表示心諗已經講得好清楚唔包婚鞋,不過都好有耐性咁同新郎講唔好意思,又建議佢著某牌子嘅白波鞋去襯白色禮服。

網民已經講得好清楚唔包婚鞋,亦建議佢著某牌子嘅白波鞋去襯白色禮服。(圖片來源:Pexels@polina-tankilevitch)
網民已經講得好清楚唔包婚鞋,亦建議佢著某牌子嘅白波鞋去襯白色禮服。(圖片來源:Pexels@polina-tankilevitch)

準新郎嬲到奪門而出!未婚妻道尷尬隨後

不過新郎哥依然唔理,大鬧:「你公司咪入啲婚鞋返黎租畀客囉!人地XX都包白色鞋啦!你公司識唔識做生意㗎?」

白色皮鞋好難搵!(圖片來源:pexels@terje-sollie)
白色皮鞋好難搵!(圖片來源:pexels@terje-sollie)

而網民都沉住道氣同新郎講唔好意思,話會同公司反映意見,不過新郎哥就嬲到奪門而出,而未婚妻尷尬哋跟喺後面。

新郎哥就嬲到奪門而出,而未婚妻尷尬哋跟喺後面。(圖片來源:TVB《愛回家之開心速遞》截圖)
新郎哥就嬲到奪門而出,而未婚妻尷尬哋跟喺後面。(圖片來源:TVB《愛回家之開心速遞》截圖)

網民大讚主EQ高 建議新郎哥著酒店拖鞋

事件擺上網後,有唔少網民都大讚樓主EQ高,亦有人有趣哋話下次再結婚就提供租鞋服務,更有網民建議呢位新郎哥可以著酒店拖鞋。如果你係婚紗店店員,你又會點做呢?

網民指未婚妻要重新考慮是否嫁這個人。(圖片來源:Facebook@西客之道 Hispitality Secret Facebook截圖)
網民指未婚妻要重新考慮是否嫁這個人。(圖片來源:Facebook@西客之道 Hispitality Secret Facebook截圖)
嘴賤網民笑準新郎鍾意著舊鞋。(圖片來源:Facebook@西客之道 Hispitality Secret Facebook截圖)
嘴賤網民笑準新郎鍾意著舊鞋。(圖片來源:Facebook@西客之道 Hispitality Secret Facebook截圖)
有人指準新郎度縮就不要擺酒。(圖片來源:Facebook@西客之道 Hispitality Secret Facebook截圖)
有人指準新郎度縮就不要擺酒。(圖片來源:Facebook@西客之道 Hispitality Secret Facebook截圖)
網民取笑準新郎會再次結婚。(圖片來源:Facebook@西客之道 Hispitality Secret Facebook截圖)
網民取笑準新郎會再次結婚。(圖片來源:Facebook@西客之道 Hispitality Secret Facebook截圖)

撰文:Evita|圖片:西客之道 Hispitality Secret Facebook、劇照、Pexels