《開心速遞》群姐同歐陽震華合體 網民起哄支持
《開心速遞》群姐同歐陽震華合體 網民起哄支持

《開心速遞》群姐同歐陽震華合體 網民起哄支持

Isabella群姐(許思敏飾)喺《愛‧回家之開心速遞》入面係Bobby仔歐陽震華嘅頭號忠粉,但係只可以同Bobby仔嘅紙牌對戲,睇到人心都酸埋。所以有唔少網民集氣,想睇吓群姐同真歐陽震華做對手戲!Bobby睇到大家反應咁熱烈,終於忍唔住上咗去劇組辦公室!網民就一直係到等待二人合作。結果皇天不負有心人,網民集氣成功!終於如願咁將佢哋撮合,群姐唔使再對住紙牌做戲啦!

撰文:B|來源:TVB

群姐愛Bobby歐陽震華反應熱烈 最終成功合體

Bobby就於微博上載兩張合照,仲打「機會終於嚟喇,飛雲!」Bobby表示「我和許思敏終於合作!」

許思敏抱住歐陽震華咕𠱸,神情陶醉
許思敏群姐終於見到夢中偶像歐陽震華
許思敏用雙手搣Bobby歐陽震華塊面!(圖片來源:微博@歐陽震華)

網民表示支持同興奮 終於見證群姐、歐陽震華世紀合體

而網友都表示十分興奮:
「終於客串開心速遞!」
「歐陽波比和群姐終於要合體了!」
「群姐見到他的偶像了!」
「群姐的追星路好順利啊,還可以摸偶像臉!」

眼利網民發現唔係《開心速遞》劇情

最終群姐、歐陽震華世紀合體,當然令網民十分開心!但係其實有眼利嘅網民一眼就睇得出端倪!佢哋兩個並非拍《開心速遞》!因為群姐身上並唔係「接龍集團」嘅招牌黃色風褸!所以好肯定呢個並唔係《開心速遞》劇情。後來大家先知道呢個係歐陽震華同群姐為一個商場拍攝嘅母親節特輯!而片中群姐個名叫「勤姐」!

許思敏抱住歐陽震華咕𠱸流晒口水
歐陽震華送花畀許思敏

歐陽震華:抹返啲口水先!

喺廣告中入面,許思敏飾演商場內清潔工人勤姐。但係因為佢個仔未能同佢一齊度過母親節而只可以擁抱印有歐陽震華嘅咕𠱸過節。「勤姐」抱住咕𠱸後入睡,喺夢入面仲畀Bobby歐陽震華邀請跳舞,佢仲搣住歐陽震華塊面,佢地之間嘅互動十分搞笑有趣!男神歐陽震華仲獻花畀「勤姐」,仲話:「你個仔喺度,冷靜啲,含蓄啲,抹返啲口水先!」呢個群姐、歐陽震華世紀合體雖然可以暫時滿足下大家,但係相信所有網民最想嘅都係喺見到佢哋《開心速遞》入面成功合體!

許思敏笑到見牙唔見眼

Bobby早前上《開心速遞》辦公室秘談

歐陽震華早前拍片支持思敏姐
編劇李綺華微博分享「歐陽波比大駕光臨!」(圖片來源:微博@安娜貓Anna)

《開心速遞》劇組辦公室有一張海報,而有份參與該劇嘅藝人都會喺上面簽名,編審李綺華就喺自己個人微博上載咗一張相,而相中人就正正係Bobby仔歐陽震華喺《開心速遞》海報上面簽名,即刻引起咗一眾網民熱議。同時令人諗起早前Bobby非常有心咁為思敏姐拍片,透露自己想客串番一集半集!

許思敏群姐一角成功入屋

其實劇組早前睇到大家對群姐同Bobby歐陽震華紙牌反應咁熱烈,都特別增加咗群姐嘅戲份,滿足一眾網友對群姐嘅傾慕之情!

嗰一集劇情講到群姐為見Bobby歐陽震華一面,不惜以身犯險偽造印花。最後畀大小姐揭發,正當大小姐興師問罪嘅時侯。群姐真情流露,表達對偶像傾慕之情,仲有保留一顆少女心,令網民大讚演技出色!


思敏姐仲喺網上面被票選為「愛回家最正女角色」。一班90後嘅女神(蘇韻姿、謝芷倫等)都唔夠思敏姐鬥。

希望劇組睇到呢條廣告片之後可以加速將佢哋喺《開心速遞》入面合體啦!

最新吃喝玩樂資訊