阿婆超市偷嘢斷正 路過港女鬧爆職員:「咁多人恰老人家係你哋唔啱!」|網絡熱話
阿婆超市偷嘢斷正 路過港女鬧爆職員:「咁多人恰老人家係你哋唔啱!」|網絡熱話

阿婆超市偷嘢斷正 路過港女鬧爆職員:「咁多人恰老人家係你哋唔啱!」|網絡熱話

偷嘢乃係刑事罪行,然而有唔少人斷正時都會以「唔記得咗畀錢」為理由,以求放開一命。早前有超市職員投稿至「西客之道Hispitality Secret」Facebook,表示多次捉到同一個阿婆偷嘢,阿婆每次都話唔小心,最終仲要……

撰文:Evita | 圖片:新傳媒圖片庫、西客之道 Hispitality Secret Facebook

阿婆超市偷嘢斷正

早前有超市職員投稿到Facebook,指第三次捉到同一個阿婆偷嘢,今次同經理都決定報警處理。職員表示阿婆被捉到後話自己真係唔小心。

職員:「唔好再扮嘢啦,我已經捉咗你兩次啦,我係唔會可憐你㗎!」

阿婆:「救命啊,有人蝦阿婆啊!」

超市
示意圖,非涉事店舖
示意圖,非涉事店舖
示意圖,非涉事店舖

職員話之後有個富有正義感嘅女人出現幫阿婆,問婆婆發生咩事,又問職員咁多人圍住一個阿婆做咩。點知阿婆又話乜都唔知,更話自己無偷嘢。

經理:「嗱!呢位小姐,我哋就捉到呢個阿婆喺到偷嘢!」

女人:「咁你哋有無證據啊?唔可以咁多個人一齊喺到屈一個阿婆囉!」

職員:「係我捉到佢偷嘢,我哋有晒CCTV,同埋我哋已經報咗警!」

女人:「總之你哋咁多個人一齊圍住個老人家就係你哋唔啱啦,婆婆唔使驚我哋一齊等警察嚟!」

《愛回家之開心速遞》劇照

職員表示警察嚟到後都已經認得個阿婆,而個女人就同警察講成班人屈阿婆偷嘢。

女人:「人哋都咁大年紀啦,你唔會老嘅,將心比己啦你想人地咁大年紀仲要坐監咩?」

《愛回家之開心速遞》劇照
《Marvel隊長》劇照

最後職員同警察講,懷疑呢個女人都係同黨,於是女人同阿婆都要接受調查。但係隔咗一個月之後,超市就收到投訴信,指職員們對年老嘅客人無禮貌,又恐嚇客人。

網民睇完呢件事之後都話呢個女人唔係正義,而係無知,有人又話好多老人家都係超市慣犯,經常恃老賣老。大家又點睇呢件事呢?

最新吃喝玩樂資訊