咖啡口味反映個人性格！研究：愛喝齋啡的人較情緒化｜網絡熱話
廣告
飲咖啡除咗可以醒腦提神，更是一種對生活態度，有唔少人對咖啡都好講究，美國有研究指出，原來揀飲邊一種咖啡都同性格有關，你又係邊類人？即睇！
撰文：Pi｜圖片：網上圖片｜編輯：Evita
美國研究 咖啡口味反映個人性格
美國一位神經科醫生Alan Hirsch曾經同18,000位受訪者進行對談，發現大家平時偏好嘅咖啡口味，係會反映出你係咩性格。
1. 咖啡口味：Latte
鍾意飲拿鐵嘅你性格溫和，喜歡認識新朋友，對身邊事物都感到好奇，得閒就會想打聽周圍嘅事。而且你對朋友十分好，會用盡所有方法去幫人，但係往往都會忽略自己嘅感受。
2. 咖啡口味：Black coffee
飲黑啡嘅人鍾意一切愈簡單愈好，做人處事方面唔會去掩飾自己，有咩都會直接同對方講，不過正正因為咁而令人覺得你情緒經常變化。
3. 咖啡口味：Mocha
鍾意飲摩卡咖啡嘅你性格外向又主動，而且經常沉醉喺浪漫同戀愛嘅感覺中。不過由於太過沉醉喺幻想世界，想法經常唔腳踏實地，而且畀人嘅感覺唔專一。
4. 咖啡口味：Espresso
你做事有領導才能，令人可以依賴你，而且做事非常有主見，所以通常都係一個團隊入面嘅領導者。不過有時可能會因為太過有自己想法，而忽略身邊人感受，同時會令人覺得有好大壓力。
5. 咖啡口味：Cappuccino
鍾意飲Cappuccino嘅你同鍾意Latte嘅人好似，為人熱情，而且善意地去關心他人。重點係你可以一心多用，同一時間做多項工作都難唔到你，不過佔有慾就比較強喇。
撰文：Pi｜圖片：網上圖片｜編輯：Evita
