LINE 夏水禮潛艇出巡 免費派 海洋公園 入場券
廣告
LINE粉絲行街時記住四圍望，事關上星期六開始LINE 夏水禮潛艇已經喺唔同地方同大家影相兼玩遊戲，仲有禮物派添，人人有份！潛艇會去勻港九新界，26/7係最後一日，大家記得mark實日子！
今次嘅潛艇其實係 海洋公園 嘅流動遊戲車，車上面除咗有好多LINE公仔之外，仲有一部波波遊戲機，大家只要伸手入遊戲機入面抽一個波，唔准揀！一吓過！抽到紅色會得到LINE印水紙；綠色會得到LINE精品一份，例如新假期有同事就抽到沙灘波一個；藍色波就獲得 海洋公園 門票1張。不過，大家咪見個波咁大個就以為好易，所謂的顏色波並唔係個波外表的顏色，而係波上面另外有一個顏色點，以嗰個點的顏色作為得獎準則。嘩！咪好難，一半半啦，雖然藍色點的波波好少，但以拍攝當日新假期派出8位同事出戰，都有一位得到門票1張，成績算唔錯！
同場加映：
話說James同Brown透露今次行程之前，上咗嚟新假期，同我哋嘅代表尖Pan哥交過手，至於交咩手？大家密切留意我哋新假期的facebook啦！
潛艇出巡時間表
LINE FRIENDS 真人會坐潛艇同大家快閃見面，想見晒James、Brown、Moon同佢哋抱抱，又或者想免費玩一轉海洋公園？留意以下出沒時間：
21/7 5pm – 9pm 尖沙咀海防道
22/7 5pm – 9pm 銅鑼灣名珠城
23/7 5pm – 9pm 旺角花園街 (波鞋街段)
24/7 5pm – 9pm 銅鑼灣軒尼斯道電業城
延伸閱讀：
