避世靚景
避世靚景

香港避世靚景5大推介!赤柱無敵海景+數碼港野餐睇日落

香港好去處

廣告

香港避世靚景大家又去過幾多個?唔好以為香港已經無地方好去,其實仲有好多靚景等住大家發掘!除左露營,仲有好多郊遊好去處同活動,如赤柱無敵海景,和數碼港的日落,當然少不了該區的本土小店,即睇!

撰文:毒毒|圖片:新傳媒資料庫、網上圖片

香港隱藏避世靚景!

今次介紹的,其實都是旅遊小區的避世靚景,而且當中更有不少本土小店需要大家支持,不過都要提提大家,出去郊遊,一定要做好市民責任,不要滋擾居民生活呀!

赤柱
香港的旅遊小區其實都好靚!

細數香港5個避世靚景!

1. 赤柱

赤柱一直都是其中一個受歡迎的旅客景點,其實赤柱坐擁無敵海景,當中又有對海的酒吧和食肆,充滿歐陸風情,大家逛完市集,可以去附近Chill一Chill,身心舒暢!

赤柱
赤柱酒吧街。
赤柱
赤柱有不少的本土小店。

交通:
中環交易廣場巴士總站:6、6A、 6X、66或260號巴士
銅鑼灣渣甸街:40號綠色小巴

2. 石澳

遊歷赤柱後,大家亦可以去到鄰近的石澳,水清沙幼,而且更有BBQ場!石澳泳灘附近的石澳道,同樣有各式特色餐廳小店,記得支持一下啦!

赤柱
石澳海灘一直是港人最愛的沙灘之一。

交通:箕灣站轉乘9號線巴士或紅Van

3. 數碼港

數碼港在大家的印象中,都是比較人煙稀少,有去過的朋友,都表示那裡是一個絕佳「避世地」。當中最吸引的地方,是有一個大草地和一個商場,大家可以看日落野餐、與寵物交流,聽聞日落非常醉人,情侶必去,更可以到商場睇戲!

赤柱
數碼港人煙稀少,是一個絕佳「避世地」。
赤柱
數碼港雖然隱世,仍不乏戲院。

交通:銅鑼灣10號小巴或長沙灣970號巴士

4. 啟德郵輪碼頭

啟德郵輪碼頭自啟用以來,去過的人都讚好,啟德內有大草地,可供大家野餐之用,更可以欣賞維多利亞港景色,身心舒暢。

啟德郵輪碼頭外有一大片草地。
啟德郵輪碼頭外有一大片草地。
野餐後,記得要帶走垃圾。
野餐後,記得要帶走垃圾。

交通:港鐵九龍灣站搭乘86號小巴,車程約7分鐘

5.愉景灣

大嶼山的愉景灣都有歐陸式靚景,如玻璃白教堂、意式鐘樓等,節奏輕鬆有如出國旅遊!除了靚景以外也有多國美食!

一望無際的大海超療癒 。
一望無際的大海超療癒 。

 

愉景灣海濱玻璃白禮堂 。
愉景灣海濱玻璃白禮堂 。

交通:在東涌站搭乘巴士DB01R,車程約15分鐘;
中環3號碼頭乘搭渡輪,船程約25分鐘。