「平成空氣」罐頭最後封存 限售600罐 網民有樣學樣
「平成空氣」罐頭最後封存 限售600罐 網民有樣學樣

「平成空氣」罐頭最後封存 限售600罐 網民有樣學樣

日本平成年代將會喺4月30日正式完結,並將會喺5月1日改為「令和」時代。唔少商家都紛紛推出一系列「平成」同「令和」嘅產品。喺日本岐阜縣有個叫平成村嘅地方,近日推出咗聲稱係「平成的空氣」嘅罐頭,限量發售,每罐賣1080日圓(約港幣$75)!唔少日本網民見到都有樣學樣,笑言自己整嘅話會賣到幾多錢。
撰文:PC | 圖片來源:Hero Production官方網站

與年號平成同名 於當地製出罐頭

位於岐阜縣關市嘅平成(Henari)地區,因為同日本年號「平成」(Heisei)漢字相同而受到注目,當地更加專登起咗「年號橋」以作紀念。而喺改年號之前,佢哋出咗一款罐頭,而入面就係裝嘅係空氣!仲限量600個發售,每個賣大約港幣$75!

平成
日本近日推出「平成空氣」罐頭。 圖片來源:Heso Production
平成
岐阜縣關市嘅平成(Henari)地區「年號橋」。 圖片來源:Heso Production

「平成空氣」加上5日圓 寓意結緣

喺平成川一帶,當地居民喺日前就喺「年號橋」附近,喺空中揮動空罐頭,將空氣「裝入」罐入面,然後再放上一個5日圓硬幣,寓意「可以在新的時代都能夠結緣」(緣同5圓嘅日文發音相同)。

平成
「平成空氣」罐入而都加上5日圓。 圖片來源:Heso Production
平成
罐頭寓意可以喺新時代都能夠結緣。圖片來源:Heso Production

作為平成最後紀念

罐入面嘅空氣冇任何特殊香味,亦冇任何特別功效成份。而負責「平成空氣」商品企劃嘅Heso Production就表示:「如果淨係將空氣放入罐頭入面賣,好多人都應該會覺得好好笑,但如果有人將打拼過嘅平成時代嘅空氣留低,就算罐頭賣剩都可以保存到未來,作為平成最後嘅紀念。」

平成
就算「平成空氣」罐頭賣剩都可以保存到未來。圖片來源:Heso Production

傳媒爭相探訪 市民感稀奇

「平成的空氣」已經喺22號開賣,有唔少日本傳媒都到場採訪,有比較年老嘅客人都覺得「平成空氣罐頭」好稀奇,覺得係一個好好嘅回憶,會好好珍惜。不過同時亦有小朋友拎起罐頭都話好輕呀!

平成
唔少日本傳媒都到場採訪。 圖片來源:Heso Production
平成
圖片來源:Heso Production

網民笑言可自製「平成空氣」產品

日本網民眼見空氣都可以賺錢,唔少網民都話要有樣學樣,例如將空水樽「裝入」空氣,然後扭實將空氣「封印」,笑言自己都可以製作大量平成空氣樽,一樣可以拎出嚟賣!亦有買咗「平成空氣」嘅日本就猶豫「究竟要幾時打開。」

平成
除咗新年號「令和」產品,「平成」產品都於近日大賣。圖片來源:Heso Production
平成
唔知買咗罐頭嘅人幾時會打開呢? 圖片來源:Heso Production

最新吃喝玩樂資訊