【復仇者聯盟4】化咗灰都要出嚟!戲院放英雄灰燼宣傳 網民:多咗一個喎!
【復仇者聯盟4】化咗灰都要出嚟!戲院放英雄灰燼宣傳 網民:多咗一個喎!

【復仇者聯盟4】化咗灰都要出嚟!戲院放英雄灰燼宣傳 網民:多咗一個喎!

復仇者聯盟4:終局之戰》聽日就會正式上映喇!世界各地嘅戲院都不斷大大力宣傳,而間間戲院為咗吸引大家嘅目光,都出現咗各式各樣嘅奇葩宣傳!繼早前喺美國一間戲院自行二次創作,將化灰角色海報上面打交叉作新海報之用,而家更有另一間戲院仲放埋展櫃,展出一堆英雄嘅灰燼。真係化咗灰都要認得佢哋呀!
撰文:PC | 圖片來源:Reddit、網上圖片

一堆灰加上《復仇者聯盟4》角色紙牌 網民黑人問號

復仇者聯盟4:終局之戰》將於24日正式上映,間間戲院為咗宣傳電影,都出現唔同嘅特別宣傳手法去吸引大家嘅眼球,而喺Reddit入面,就有美國網民發現有一間戲院仲放咗一個大玻璃櫃,但入面並唔係放《復仇者聯盟4》入面嘅英雄角色figture,而係一堆堆英雄嘅灰燼,按劇情描述,有一大部分角色喺上一集《復仇者聯盟3》都俾Thanos親自毀滅而變晒灰,可見「宣傳手法層出不窮」。

復仇者聯盟4
美國網民發現有一間戲院擺晒一堆堆英雄嘅灰燼。圖片來源:Raddit

復仇者聯盟4

灰燼旁放上《復仇者聯盟4》角色海報

為免唔使大家睇到黑人問號,戲院展櫃入面仲好貼心咁喺灰燼隔離加上紙牌,同埋各個《復仇者聯盟4》角色海報:包括有蜘蛛俠、黑豹、獵鷹、Nick Fury、紅女巫、Bucky、黃蜂女同幻視,真係創作力量同幻想會嚇你一跳呀!

最新吃喝玩樂資訊