藝人
藝人

許志安:「我係一個壞咗嘅人」 偷食藝人認錯金句集合

影視娛樂

廣告

藝人許志安在記招上回應了:「我係壞咗嘅人」,隨即成為網絡潮語。其實「安心偷食」事件發生後,許志安和黃心穎也陸續向公眾交待和道歉。以往男藝人被踢爆偷食的事情後,很多時會立刻出來道歉,而道歉的內容亦會引起大眾討論,讓我們重溫幾位男藝人的認錯金句吧!

撰文:E |圖片來源:微博、東方新地、電視劇照、電影截圖

偷食藝人認錯金句

許志安:「我係一個壞咗嘅人」

51歲許志安(安仔)和鄭秀文(Sammi)經歷分手、復合到結婚,今年是兩人結婚5周年紀念,不過這個愛情「童話」破滅!今日中午有傳媒收到一條車廂偷情的短片,一對男女主角居然是有婦之夫許志安同黃心穎,兩人竟然背另一半在車廂拖手錫錫!

在4月16日晚上七點,許志安立即開記招道歉,期間他的情緒更一度失控。

我覺得自己好丟臉、我噁心、好陌生,我有深刻既反思自己點解去犯呢個錯誤。起了色心⋯⋯我做錯咗,同埋對唔住Sammi。我唔知點樣走我自己嘅路!我呢一刻係冇咗靈魂嘅,我係一個壞咗嘅人,期望大家可以畀時間我,搵返我自己。我同大家講一聲對唔住!

周永恒:「畀着我係你都會好嬲,唔會原諒我周永恒呢個人渣。」

自認係人渣嘅世紀賤男周永恒(Roy)與趙頌茹(Yu)結婚不過4年,育有兩個女兒,一直在人前表現恩愛,但早年突爆婚外情,事緣阿Yu揭發人渣偷食,小三正是Roy模特兒公司拍檔、港視小花劉依靜(Ruby),同時人渣Roy家暴阿Yu,其後人渣Roy話想同阿Yu復合,但轉過頭又反口話要離婚同爭撫養權;更登阿Yu娘家家門,吐口水用粗口辱罵外父外母,並以WhatsApp恐嚇殺死妻女及自殺,涉嫌刑事恐嚇被拘捕,最後法庭裁定普通襲擊罪成,大快人心!之後周永恒又晒新女,真係睇下好得幾耐。

周永恆更因為女兒贍養費問題同前妻趙頌茹發生爭執,真係死性不改。

後來他向公眾公開了他的道歉信。

我真係一時受唔住誘惑偷食,仲呃住你,回心一想,畀着我係你都會好嬲,唔會原諒我周永恒呢個人渣。

彭順:「我徹底做錯了。」

當年彭順背住李心潔於圓方同o靚模李悅彤(Liddy)密會,期間兩人肆無忌憚當眾拖手、啜嘴、搣胸、搭膊、攬腰乜都做齊,偷食斷正,彭順被網民鬧爆兼狂插係賤男。醜事曝光後,彭順即飛往馬來西亞箍煲,有傳心潔得悉事件後傷心痛哭,最後彭順與心潔就事件一起作出回應,而心潔最終選擇原諒老公,心潔咁大量,實在難得!

不過之後彭順都好似修心養性,李心潔更為老公誕下一對孖仔,二人不時在網上大晒cute 爆仔仔,希望你真心改過至好,話晒連你前妻個女都係李心潔幫手湊大,李心潔簡直就是天使。

在事件發酵兩日後, 彭順在個人微博上發表聲明。

 

我是徹底地錯了。我造成的錯誤,也徹底傷害了一直對我付出很多的一個人,也令很多愛護她的人,心痛及失望。我真的接受所有人對我的譴責。

陳浩民:「我冇心令嘉桓受傷害」

2011年被《東方新地》爆於橫店拍劇時藉醉狼吻陳嘉桓,又對佢上下其手,搞到要攜即將臨盆嘅太太蔣麗莎開記招,聲淚俱下向陳嘉桓道歉!在眾目睽睽之下,陳浩民硬拖著大肚妻子蔣麗莎上演大龍鳳不特止,短短七分鐘記者會中,陳浩民一哭二鬧三鞠躬四道歉,臨走時還作狀發軟蹄,要大肚妻攙扶,結果扮死狗失敗,更被網民罵個體無完膚!

事過境遷,蔣麗莎好好生養,為陳浩民先後誕下三女一子,希望陳浩民真心悔改做個好老公好爸爸!

我真係冇心,我冇心令嘉桓受傷害,但我知道今次真係令到佢好難堪同好難過,我喺呢度再次向佢、佢嘅屋企人、同埋痛錫佢嘅朋友;因為我無心之失,一時飲多咗,而帶畀佢咁多麻煩。令到佢身邊愛錫佢嘅人擔心、感到難過,我喺呢度同佢講一聲對唔住。

李潤庭:「完完全全係我一個人嘅錯」

無綫《東張西望》主持李潤庭被爆趁任職空姐的太太Crystal出國工作時,不止一次與小三當街激吻摸Pat Pat,更公然一齊搭港鐵返屋企。李潤庭明目張膽帶小三登堂入室。新聞爆出後,小三極速被起底。小三Tiffany竟然是老婆同公司的前空姐同事,事後李生不但沒有認錯,竟口出狂言指太太事前一早知,再度辣㷫全港市民。之後搞到離婚兼停工 ,做咗雙失中佬四個月終於有得復工,點知佢死不悔改再被拍到與小三藕斷絲連,被永久雪藏,連份工都冇埋,人蠢就真係冇藥醫。

 

呢件事完完全全係我一個人嘅錯,我覺得我應該行返出嚟一力去承擔,因為純粹係我一個人嘅錯。所以我向屋企人,所有受影響嘅人致歉。呢個時候除咗認錯,就係做番個男人去承擔返。亦都希望所有傷害只係我一個去承擔就可以。

倪震:「孔雀開屏的惡果」

2008年底,倪震被《東方新地》拍得背住女友周慧敏到蘭桂坊夜店尋歡,偷啜22歲城大女生張茆,當大家以為倪震夜場激嘴斷正,玉女周慧敏睇清楚男友真性情後會覺悟啦!點知事後竟獲周慧敏原諒,更戲劇性地結婚!

責任完全在我,是我以一個成年男人發揮魅力,在夜場孔雀開屏的惡果。

鄭俊弘:「I am really really very sorry for what I did」

Fred 2014年認識富家千金Beebs,據知兩人好快就打得火熱,去到見晒家長的地步。一年後的2015年7月31日,兩人為慶祝拍拖一周年,包了七人車去到深圳瑞吉酒店,並book了一間兩層複式房間,不過book房同埋單都係由女友負責。去到凌晨12點,Fred就突然換上禮服手執戒指求婚,Beebs亦當場答應!點知男方居然偷食何雁詩,本來雙方都否認,突然二人又拖住手出來認拍拖(咁理直氣壯?)現時好似雙雙被雪藏。

I am really really very sorry for what I did, the worst thing one human can do to another (我對自己所做嘅事覺得唔好意思,我對其他人做咗一件最差的事!)

 

黃子恆:「做足安全措施!」

不過日前有報道指,一位名為Michelle的28歲內地女子,自稱係黃子恆的忠實粉絲,透露去年4月在廣州粉絲聚會中,首次與偶像見面,之後二人一直透過微博聯絡。Michelle稱一星期後有禮物送俾黃子恆,所以相約於深圳一酒店式住宅會面。

送禮物兼發生關係

Michelle向傳媒爆料時表示,當時佢認為黃子恆係一個公眾人物,唔覺得對方係壞人,所以放心前去。最後兩人先後洗澡後,在床上發生關係。不過在發生關係後,黃子恆半年來都未有同佢見面,只係間中閒聊幾句,亦未提及二人關係。

回復朋友關係 再發生性行為

報道稱,Michelle與偶像發生關係後卻被冷待,傷心得足不出戶、茶飯不思,後來事件在粉絲群組爆出,黃子恆為平息事件,承認雙方是好朋友,不過中間發生了誤會。Michelle聲稱今年1月時二人回復朋友關係,7月又再相約在深圳見面,並發生了第二次性行為!

黃子恆認曾發生關係:做足安全措施!

事件曝光後,男主角黃子恆接受傳媒訪問時,承認的確曾與Michelle發生性行為,但就只有一次,而且有做足安全措施,不介意去驗DNA以證明自己的清白。黃子恆又謂控制唔到對方做啲咩,只希望謠言唔好再散布。

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..